تانىمال اكتەر فارحات ءابدىرايىموۆ قايتىس بولدى

نۇر- سۇلتان. قازاقپارات - گرۋزيادا ءتۇسىرىلىم بارىسىندا قازاقستان اكتەرى فارحات ءابدىرايىموۆ قايتىس بولدى.

بۇل اقپاراتتى ق ر مادەنيەت جانە اقپارات مينيسترلىگى راستادى، دەپ حابارلايدى قازاقپارات ءتىلشىسى.

فارحات ءابدىرايىموۆ 1966 -جىلى 21-قاڭتاردا الماتى قالاسىندا تۋعان. الماتى تەحنولوگيالىق ۋنيۆەرسيتەتىن ينجەنەر- تەحنولوگ ماماندىعى بويىنشا بىتىرگەن. 1999 -جىلدان ش. ايمانوۆ اتىنداعى «قازاقفيلم» ا ق- نىڭ اكتەرى بولعان ەدى. ول «شانحاي»، «اقسۋات»، «ومپا»، «ماحاببات تالكەگى»، «سيقىرشى دەمەۋشى» سىندى فيلمدەرگە تۇسكەن.

فارحات نۇرسۇلتان ۇلى ر ف «ۇزدىك اكتەر» كينو باسىلىمىنىڭ باس جۇلدەسىن، XXI حالىقارالىق «سۆياتوي گەورگيي پوبەدونوسەتس» كينوفەستيۆالىنىڭ گران- پري جۇلدەسىن جەڭىپ العان. 2020 -جىلى «التىن ادام» سىيلىعىنىڭ «جىل كينوجۇلدىزى» اتالىمىن يەلەنگەن. ق ر پرەزيدەنتىنىڭ قۇرمەت گراموتاسىمەن ماراپاتتالعان.