18:26, 19 - مامىر 2021 | GMT +5
اقمولا وبلىسىندا قانداستارعا ارنالعان اگروقالاشىق قۇرىلىسى باستالدى
نۇر- سۇلتان. قازاقپارات - دۇنيەءجۇزى قازاقتارى قاۋىمداستىعىنىڭ باستاماسىمەن ۇسىنىلعان اقمولا وبلىسى، ارشالى اۋدانىنداعى قانداستارعا ارنالعان اگروقالاشىق قۇرىلىسى باستالدى.
ۇلكەن ءىس باستالىپ، العاشقى ءۇيدىڭ ىرگەتاسى قالاندى، دەپ حابارلايدى قازاقپارات «وتانداستار» Telegram كانالىنا سىلتەمە جاساپ.
بۇگىنگى كۇنى گەودەزيالىق زەرتتەۋلەر نەگىزىندە جەر تەلىمدەرىنىڭ شەكارالارى انىقتالىپ، ولاردى ناقتىلاۋ جۇمىستارى جۇرگىزىلدى، جولدار مەن باسقا دا ينجەنەرلىك جەلىلەر سالۋعا بەلگىلەر قويىلدى. جەر تەلىمدەرى شەگىندە مەجەلەۋ جۇمىستارى قولعا الىندى. ۇيلەردىڭ قۇرىلىسى وسى جىلدىڭ 15 - مامىرىندا باستالدى.
«ءبىزدىڭ الدىن الا ەسەبىمىز بويىنشا، اگروقالاشىقتاعى العاشقى ۇيلەر بيىل كۇزدە بوي كوتەرەدى. اعايىننىڭ قۋانىشىندە شەك جوق، نەشە جىل اسىعا كۇتكەن اسەرلى ءسات! قۋانىش قۇتتى بولسىن اعايىن!». -دەلىنگەن حابارلامادا.
