ايدا بالايەۆا «كيەلى تابيعات» ەكولوگيالىق اكسياسىن باستاپ بەردى

نۇر- سۇلتانداعى بوتانيكالىق باعىندا بارلىق سانيتارلىق- ەپيدەميولوگيالىق نورمالاردىڭ قاتاڭ ساقتالۋىمەن وتكەن اكسيانىڭ باستالۋ راسىمىنە پارلامەنت ءماجىلىسىنىڭ دەپۋتاتتارى ەلنۇر بەيسەنبايەۆ، ۆەرا كيم، ءمادي احمەتوۆ، «جاس ۇلان»، «جاسىل ەل» جاستار ۇيىمدارىنىڭ كوشباسشىلارى، سونداي- اق استانانىڭ ءبىلىم بەرۋ مەكەمەلەرىنىڭ جاس بەلسەندىلەرى قاتىستى.

«بۇگىن ءبىز «كيەلى تابيعات» ەكولوگيالىق اكسياسىن باستاپ وتىرمىز. جالپى، اتا- بابامىز ءارقاشاندا تابيعاتتى ايالاۋ، قۇرمەتتەۋ دەگەن فيلوسوفيامەن ءومىر سۇرگەن. بابالارىمىز وسى تاربيەنى، ءتالىمدى العان بۋىننىڭ بويىنا ءسىڭىردى. ەندى ەڭ باستىسى وسىنداي اكسيالار ارقىلى سول ءتالىم- تاربيەنى وسكەلەڭ ۇرپاققا، ال بولاشاق ۇرپاققا جەتكىزۋى وتە ماڭىزدى. سوندىقتان بۇگىنگى اكسيا ەلىمىزدىڭ بارلىق ەلدى مەكەندەرىندە باستالىپ وتىر. وزدەرىڭىزدەي جاستار ۇيىمىنىڭ بەلسەندىلەرى، جەتەكشىلەرى وسىنداي اكتسيالاردى قولداپ، وعان قوسىلاتىن ادامدار سانىن كوبەيتىپ وتىرسا ماڭىزى ارتا تۇسەدى. اكتسيا اياسىندا اعاش وتىرعىزۋ، وزەندەردى تازالاپ، بۇلاق كوزىن اشۋ، اۋىلدار مەن قالالاردا سەنبىلىك وتكىزۋ كوزدەلگەن»، - دەدى ايدا بالايەۆا ءىس- شارا بارىسىندا.

اتاپ ايتساق، 25 -ءساۋىر مەن 25 -مامىر ارالىعىندا بۇكىل ەل اۋماعىندا ەكولوگيالىق ايلىق جالعاساتىن بولادى. ونىڭ اياسىندا بارلىق وڭىردە جاستاردىڭ قاتىسۋىمەن - وزەن ارنالارىن تازارتۋ، اۋلالاردى تازالاۋ، اعاش ەگىپ، گۇل وتىرعىزۋ جۇمىستارى جۇرگىزىلەدى. ايدا بالايەۆا قازاقستان پرەزيدەنتى ەكولوگيالىق ءبىلىم مەن تاربيەگە ەرەكشە نازار اۋدارىپ وتىرعاندىعىن، سوعان وراي ءبىرقاتار مەملەكەتتىك ورگانعا ناقتى تاپسىرما بەرگەندىگىن اتاپ ءوتتى.

«بۇل وسىنداي اكسيالاردىڭ ستراتەگيالىق ماڭىزى زور ەكەندىگىن كورسەتەدى جانە الداعى ۋاقىتتا قاتارىمىز تولىعا تۇسەرىنە سەنىمدىمىن. ەلىمىزدىڭ جاستار ۇيىمدارىن بىزگە قوسىلۋعا جانە قولداۋعا شاقىرامىن. وسى اكتسيا اياسىندا ۇلكەن اقپاراتتىق جۇمىس تا جۇرگىزىلمەك. Youtube-تا «كيەلى تابيعات» دەپ اتالاتىن ارنانى ىسكە قوسامىز جانە ول ءبىز جۇزەگە اسىراتىن ۇلكەن اعارتۋشىلىق جوبالاردىڭ جۇرگىزىلۋىنە سەپتىگىن تيگىزەتىن بولادى»، - دەدى مينيستر.

وسىدان كەيىن اقپارات مينيستر اكسياعا قاتىسىپ، بوتانيكالىق باق اۋماعىنا بىرنەشە اعاش وتىرعىزۋ ءىس- شاراسىنا قاتىستى. سونداي- اق «جاس ۇلان» رەسپۋبليكالىق جاستار ۇيىمىنىڭ وكىلدەرى، ەكوبەلسەندىلەرى دە اعاش ەكتى. ايتا كەتەرلىگى، بۇل اكتسياعا ەلىمىزدىڭ بارلىق وڭىرىندەگى جاستار ۇيىمدارىنىڭ وكىلدەرى قاتىستى. الەۋمەت تانۋ زەرتتەۋلەرى قازىرگى كەزدە ەكولوگيالىق مادەنيەت پەن ەكوترەند قازاقستاندىق جاستاردىڭ توپ-5 قۇندىلىق كريتەريلەرىنە كىرىپ وتىرعاندىعىن كورسەتىپ تۇر. «كيەلى تابيعات» جوباسى وسى وڭ تەندەنتسيانى نىعايتۋدى جانە دامىتۋدى كوزدەيدى.