قازاقستاندا «ەل تىرەگى - ەلباسى» اكسياسى باستالدى

2021 -جىل قازاقستان ءۇشىن ەلەۋلى مەرەكە - تاۋەلسىزدىكتىڭ 30 جىلدىعىمەن تۇسپا- تۇس كەلدى. ءاز- ناۋرىز مەرەكەسىندە «حالىق» قورى ازاماتتىق بەلسەندىلىك تانىتىپ، «ەل تىرەگى - ەلباسى» اتتى ءىرى ناۋقانىن قولعا الدى.

قور COVID-19 پاندەمياسىنىڭ جانە كارانتين سالدارىنان قيىن جاعدايعا تاپ بولعان از قامتىلعان، كوپ بالالى، سونداي- اق مۇگەدەك بالالارى بار وتباسىلار ءۇشىن ازىق- تۇلىك جيىنتىعىن ساتىپ الدى. «حالىق» قايىرىمدىلىق قورى 15 مىڭنان استام ازىق- تۇلىك سەبەتىن ۇيىمداستىردى. ءار سەبەتتە سالماعى 50 كەلىدەن اساتىن ازىق-تۇلىك بار.

قازىرگى ۋاقىتتا ازىق-تۇلىك سەبەتتەرى وڭىرلىك اكىمدىكتەر ۇسىنعان تىزىمدەرگە سايكەس ەلىمىزدىڭ بارلىق وڭىرىندە وتباسىلارعا تاراتىلىپ جاتىر. پاندەميانىڭ العاشقى كۇنىنەن باستاپ، بۇل ەل باسىنا تۇكەن سىناق ەكەنى بەلگىلى. وسىنداي قيىن- قىستاۋ شاقتا ىنتىماق پەن بىرلىكتىڭ وزىق ۇلگىسىن كورسەتىپ، ءبىر- بىرىمىزگە جاناشىر بوۋلىمىز كەرەك.

«حالىق» قايىرىمدىلىق قورى كاسىپكەرلەر مەن قايىرىمدىلىق ۇيىمدارىنىڭ وكىلدەرىنە «ەل تىرەگى - ەلباسى» اكسياسىن قولداۋعا شاقىرادى. مۇنداي اكسيا 2021 -جىلدا بىرنەشە رەت ۇيىداستىرىلادى دەپ جوسپارلانىپ وتىر»، دەلىنگەن حابارلامادا.