ەكى جىل بۇرىن جوعالعان ەلوردالىق تابىلدى
2019 -جىلدىڭ اقپان ايىندا ەلوردا تۇرعىنى قالالىق پوليتسيا دەپارتامەنتىنە حابارلاسىپ، اپكەسىنىڭ جوعالىپ كەتكەنى تۋرالى ايتادى. جاعدايدى زەردەلەۋ كەزىندە ەكى سىڭلىسىمەن ءسوزى جاراسپاعان 24 جاستاعى قالا تۇرعىنى تۋىستارىمەن بايلانىستى ۇزگەنى بەلگىلى بولعان. كەيىن ىزدەۋ بارىسىندا جوعالعان قىزدىڭ ەلوردادا تىركەلگەن 2 بىردەي الاياقتىق ىسكە قاتىسى بار ەكەنى اشىلادى. اتالمىش فاكتىلەر بويىنشا قىلمىستىق ىستەر قوزعالادى. ىزدەۋدەگى تۇرعىن بوگدە ادامنىڭ جەكە كۋالىگى بويىنشا قۇرىلىس كومپانيالارىنىڭ بىرىندە جۇمىس ىستەپ جۇرگەن جەرىنەن تابىلىپ، قولعا ءتۇسىپ وتىر.
«قازىرگى تاڭدا ءىز- ءتۇسسىز جوعالعان تۇرعىن اناسىمەن قاۋىشتى. ونىڭ بۇعان دەيىن ەلورداداعى وزگە دە وسىنداي ىستەرگە قاتىسى بار- جوعى انىقتالىپ جاتىر»، - دەپ جازادى دەپارتامەنتتىڭ باسپا ءسوز قىزمەتى.
