باسەكەلەستىكتى قورعاۋ اگەنتتىگى جۇمىرتقى مەن كۇنباعىس مايىنىڭ قىمباتتاۋ سەبەبىن ءتۇسىندىردى

نۇر- سۇلتان. قازاقپارات - باسەكەلەستىكتى قورعاۋ جانە دامىتۋ اگەنتتىگى ەلىمىزدەگى جۇمىرتقا مەن كۇنباعىس مايىنىڭ قىمباتتاۋ سەبەبىن ءتۇسىندىردى، دەپ حابارلايدى قازاقپارات.

اگەنتتىكتىڭ حابارلاۋىنشا، 34 ءىرى قۇس فابريكاسىنىڭ 13-ىندە جۇمىرتقا ساتۋ كەزىندە باعالىق ءسوز بايلاسۋ بەلگىلەرى انىقتالدى. جىل باسىنان بەرى ەكى ايدا جۇمىرتقا قۇنىنىڭ ءوسۋى % 11,5- دى قۇرادى (وتكەن جىلدىڭ ۇقساس كەزەڭىندە % 1,4- عا تومەندەۋ بايقالدى).

وڭىرلەردە تاۋىق جۇمىرتقاسى سەمەي قالاسىندا - % 22,4، وسكەمەن - % 21,6 ، قوستاناي - 16,5، جەزقازعان - 15، اقتاۋ - 13,3، پاۆلودار - 13,7، ورال - 11,8، الماتى - 13,4، تالدىقورعاندا - % 12,3- عا قىمباتتادى.

باعالىق ءسوز بايلاسۋ بەلگىلەرىنىڭ بولۋىنا بايلانىستى 13 تاۋىق جۇمىرتقاسىن وندىرۋشىگە (شىمكەنت قالاسى، قوستاناي، پاۆلودار، قاراعاندى، اقمولا، اقتوبە، جامبىل، اتىراۋ وبلىستارى) باعالاردى تومەندەتۋ تۋرالى حابارلاما جىبەرىلدى.) حابارلاما كاسىپكەرلىك ءبىر اي مەرزىمدە ورىندالماعان جاعدايدا، مونوپولياعا قارسى ورگان كودەكسكە سايكەس تەرگەپ- تەكسەرۋگە باستاماشىلىق جاسايدى.

سونىمەن بىرگە، باعانىڭ كۇرت وسۋىنە ءبىرقاتار فاكتورلار اسەر ەتتى. بۇل قۇس تۇماۋىنىڭ ءورشۋى جانە قۇس باسىنىڭ % 15 - عا قىسقارۋى، ازىق قۇنىنىڭ % 150- عا ارتۋى. قازىرگى كەزدە قۇس فابريكالارى «ادەل- كۋس» ج ش س، «الەكري» ج ش س، «الساد» ج ش س، «الەل اگرو» ج ش س، «اگروينتەرپتيتسا» ج ش س. «مايقۇدىق قۇس فابريكاسى» ج ش س، «سارى- بۇلاق» ج ش س جانە «بەسكول قۇس فابريكاسى» ج ش س قۇستاردىڭ ولىمىنە بايلانىستى تاۋىق جۇمىرتقاسىن وندىرمەيدى.

5 كۇنباعىس مايىن ءىرى وندىرۋشىلەردە مونوپولياعا قارسى زاڭنامانى بۇزۋ بەلگىلەرى انىقتالدى. جىل باسىنان بەرى ەكى اي ىشىندە كۇنباعىس مايى قۇنىنىڭ ءوسۋى % 6,7- دى قۇرادى (وتكەن جىلدىڭ ۇقساس كەزەڭىندە باعانىڭ % 0,3- عا تومەندەۋى بايقالدى). وڭىرلەردە ەڭ كوپ كۇنباعىس مايى شىمكەنت قالاسىندا - % 14,6، اتىراۋ - 12,8، ورال - 12,9، سەمەي - 11,8، اقتوبە - 9,7، تالدىقورعان - 9,6، تاراز - 8,6، جەزقازعان - 7,9، قاراعاندى - 7,8، وسكەمەن - 7,6، پەتروپاۆل - 7، قوستاناي -6,9، اقتاۋ - 4,9، كوكشەتاۋدا - % 4,5 قىمباتتادى.

باعالىق ءسوز بايلاسۋ بەلگىلەرىنىڭ بولۋىنا بايلانىستى 7 نارىق سۋبەكتىسىنە (شىمكەنت ق. ش ق و، قاراعاندى وبل. وندىرۋشىلەر مەن كوتەرمە ساۋاداد جەتكىزۋشىلەر) باعالاردى تومەندەتۋ تۋرالى حابارلاما جىبەرىلدى. حابارلاما ءبىر اي مەرزىمدە ورىندالماعان جاعدايدا، مونوپولياعا قارسى ورگان كاسىپكەرلىك كودەكسكە سايكەس تەرگەپ- تەكسەرۋگە باستاماشىلىق جاسايدى.

بۇگىنگى كۇنى اقتوبە وبلىسىنداعى كەلىسىلگەن ارەكەتتەر جانە الماتى قالاسىنداعى ۇستەم جاعدايدى تەرىس پايدالانۋ بەلگىلەرى بويىنشا 2 تەرگەپ- تەكسەرۋ جۇرگىزىلىپ جاتىر. سونىمەن بىرگە باعالاردىڭ كۇرت وسۋىنە ءبىرقاتار فاكتورلار اسەر ەتتى. بۇل مۇنايعا الەمدىك باعالاردىڭ % 53,8- عا ءوسۋى، شيكىزاتقا ساتىپ الۋ باعاسىنىڭ ءوسۋى، وندىرۋشىلەردىڭ وتكەن جىلعى ەگىننىڭ شيكىزات قورىن قىسقارتۋى. اتاپ ايتقاندا، شيكىزاتتى ساتىپ الۋ باعاسىنىڭ جوعارى بولۋىنا جانە شيكىزاتتىڭ بولماۋىنا بايلانىستى ش ق و- داعى كۇنباعىس مايىن وندىرەتىن ءىرى ءوندىرۋشى «ۆوستوكسەلحوزپرودۋكت» ج ش س ءوز ءوندىرىسىن توقتاتا تۇردى.