جوعارى وقۋ ورىندارىنداعى پروبلەمالار ايتىلدى
بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆتىڭ جوعارى وقۋ ورنى باسشىلارىمەن كەزدەسۋىندە ايتىلدى، دەپ حابارلايدى قازاقپارات ءتىلشىسى.
«ەلىمىزدەگى جوعارى وقۋ ورىندارىندا ستۋدەنتتەر سانى وسكەنمەن، ونىڭ ينفراقۇرىلىمى ۇلعايماعان. سوندىقتان، ءمينيستردىڭ تاپسىرماسى بويىنشا بيىل مەملەكەتتىك- جەكەشەلىك ارىپتەستىك اياسىندا جوعارى وقۋ ورىندارىنداعى ينفراقۇرىلىمدى دامىتۋ بويىنشا ءىس- شارا باستالادى» - دەيدى جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويبايەۆ. ونىڭ ايتۋىنشا، مينيسترلىك ءبىلىم بەرۋ سالاسىنداعى نورماتيۆتىك قۇقىقتىق اكتىلەردى قاتاڭداتۋ بويىنشا جۇمىس ىستەپ جاتىر دەگەن پىكىر بار. جاقىندا جاسالعان وزگەرىستەرگە كوز جۇگىرتەتىن بولساق، اكادەميالىق تاۋەلسىزدىكتى كەڭەيتۋ بويىنشا جۇيەلى جۇمىستار جۇرگىزىلىپ جاتقانىمەن قاتار، ساپاعا قويىلاتىن تالاپتار دا ارتا تۇسۋدە.
«ءبىرىنشى، مەملەكەتتىك جالپىعا مىندەتتى ءبىلىم بەرۋ ستاندارتىنا وزگەرىستەر ەنگىزىلدى، بۇل باكالاۆريات دەڭگەيىندە پراكتيكتەردى تارتۋعا كەڭ مۇمكىندىك بەردى. ەكىنشى، ماگيستراتۋرادا جانە دوكتورانتۋرادا دەڭگەيىندەگى عىلىمي جەتەكشىلەرگە قويىلاتىن تالاپتار كۇشەيتىلدى. ءۇشىنشى، دوكتورانتۋرانىڭ مازمۇنى اكادەميالىق جازۋداعى پاندەردى جانە عىلىمي زەرتتەۋ ادىستەرىن قامتيدى»، - دەيدى ول. سونداي- اق، قىزمەتتىڭ تيپتىك ەرەجەلەرى اقىلى ءبىلىم بەرۋ قىزمەتىن رەتتەيتىن ەرەجە الىپ تاستالدى. سىنىپتار مەن جاتاقحانالاردى پايدالانۋ ءۇشىن سەنىمدى باسقارۋ مۇمكىندىگى قاراستىرىلعان.
اۆتور: زارينا قاھارمان
