قازاق تەلەۆيزياسىنىڭ ارداگەرى نۇرتىلەۋ يمانعالي ۇلى ومىردەن ءوتتى

نۇر-سۇلتان. قازاقپارات - قازاق تەلەۆيزياسىنىڭ ارداگەرى نۇرتىلەۋ يمانعالي ۇلى ومىردەن ءوتتى، دەپ حابارلايدى قازاقپارات.

قايعىلى حاباردى Qazaqstan ۇلتتىق تەلەارناسىنىڭ باسپا ءسوز قىزمەتى تاراتتى.

«بۇگىن تاڭەرتەڭ 70 جاسقا قاراعان شاعىندا قازاق تەلەۆيزياسىندا 45 جىل قىزمەت اتقارعان جۋرناليستيكا ارداگەرى نۇرتىلەۋ يمانعالي ۇلى ومىردەن ءوتتى.

نۇرتىلەۋ يمانعالي ۇلى «قۇرداستار»، «جاستار داۋىسى»، «اراي»، «جادىڭدا ما، جولداس»، «اينا»، «جاس جىگەر»، «بەتپە-بەت»، «قولتاڭبا»، «دىڭگەك»، «كورشىلەر»، «زاڭ سويلەسىن»، «Nur- Tiley» اۆتورلىق باعدارلامالارى ارقىلى قالىڭ كورەرمەن ەسىندە قالدى» دەلىنگەن حابارلامادا.

ايتا كەتەيىك، نۇرتىلەۋ يمانعالي ۇلى 2006-2007-جىلدارى - «قازاقستان» رەسپۋبليكالىق تەلەراديوكورپوراتسياسى» اكسيونەرلىك قوعامىنىڭ باسقارما ءتوراعاسى، ودان كەيىنگى جىلدارى «قازاقستان ر ت ر ك» ا ق باسقارما ءتوراعاسىنىڭ كەڭەسشىسى قىزمەتتەرىن اتقاردى.

سوڭىندا ءىزباسار شاكىرتتەر تاربيەلەدى. بۇگىن ۇلتتىق ارنا ەفيرىنەن ەستەلىك حابارلار مەن ارنايى جوبالار بەرىلەدى.