الەمدەگى ءومىر سۇرۋگە ەڭ قولايلى شاعىن قالا انىقتالدى
رەيتينگ شاعىن قالالاردى ءومىر سۇرۋگە ىڭعايلىلىعى تۇرعىسىنان باعالايدى، دەپ حابارلايدى ەۆروپۋلس.
ءبىر جىل ىشىندە پورتۋ توعىزىنشى ورىننان ءبىرىنشى ورىنعا كوتەرىلدى. بۇل، ەڭ الدىمەن، قاتاڭ كارانتين كەزەڭىندە كاسىپكەرلەرگە جەرگىلىكتى بيلىك تاراپىنان كورسەتىلگەن قولداۋدىڭ ناتيجەسى. مىسالى، رەيتينگ اۆتورلارى مەريا مەن حالىقارالىق ديزاينەرلەر قاۋىمداستىعىنىڭ جيھاز بەن اكسەسسۋارلار شىعاراتىن شاعىن فيرمالار مەن جەكە قولونەرشىلەردى قالاي قولداعانىن اتاپ ءوتتى. سونىمەن قاتار، پورتۋ - ەلدىڭ ەكونوميكالىق دامىعان ايماقتارىنىڭ ءبىرى.
قالانىڭ ءومىرى جايلى، ءبىرقالىپتى، مۇحيت جاعالاۋىنا تەز جەتۋگە نەمەسە كورشى يسپانياعا بارۋعا بولادى. بيىل رەيتينگتە ەكىنشى ورىندا بەلگيالىق ليەۆەن تۇر، ال ۇزدىك ۇشتىكتى جاپوندىق يتوسيما قالاسى قورىتىندىلادى. ەۋرووداق قالالارىنىڭ ىشىندە العاشقى وندىققا يتالياندىق بولتسانو مەن دانيالىق ولبورگ كىردى.
رەيتينگتى بريتاندىق Monocle جۋرنالى ازىرلەيدى. باسىلىم ماماندارى الەمنىڭ تۇكپىر-تۇكپىرىنەن 250 مىڭ ادامعا دەيىن تۇراتىن قالالاردى بەس كريتەري بويىنشا باعالايدى: قالاداعى كولىك قولجەتىمدىلىگى (مىسالى، تۋريستەرگە جەتۋ وڭاي ما)، باسقارۋدىڭ تيىمدىلىگى (اكىمدىك تۇرعىنداردى قانشالىقتى تىڭدايدى)، تۇرعىنداردىڭ جاڭا كورشىلەرگە دەگەن ىزگى نيەتى، «جاسىل» ينفراقۇرىلىم (قالادا ساياباقتار، الاڭدار قانشالىقتى كوپ) جانە بيزنەستى دامىتۋ مۇمكىندىكتەرى.
