قازاقستاندا قانشا ستۋدەنت جانە جوعارى وقۋ ورنى بار
33 ج و و - مەملەكەتتىك، 92 سى - جەكەمەنشىك، 4 ەۋى - شەتەلدىك مەنشىك نىسانى، دەپ حابارلايدى قازاقپارات.
ق ر ستاراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنىڭ اقپاراتىنا سايكەس، ج و و- لارداعى ستۋدەنتتەردىڭ جالپى سانى 576557 نى قۇرايدى. ولاردىڭ ىشىندە قىزداردىڭ سانى - 306799 نەمەسە 53,2 پايىز. بيىلعى وقۋ جىلىندا ستۋدەنتتەردىڭ سانى وتكەن وقۋ جىلىمەن سالىستىرعاندا 4,6 پايىز تومەندەگەن. بارلىعى وقۋعا 152789 ادام قابىلداندى.
115186 ادام ءتۇرلى سەبەپپەن وقىتۋ مەرزىمى اياقتالعانعا دەيىن ج و و- دان شىعارىلعان، بىتىرگەندەر سانى - 153 627. ستۋدەنتتەردىڭ جالپى سانىنان 83 پايىزى كۇندىزگى بولىمدە وقيدى، 7,6 پايىزى - قاشىقتان، 7,3 پايىزى - سىرتتاي جانە 2 پايىزى - كەشكى.
مەملەكەتتىك ءبىلىم بەرۋ گرانتتارىنىڭ ەسەبىنەن 196084 ادام ءبىلىم الۋدا، بۇل ستۋدەنتتەردىڭ جالپى سانىنىڭ 34 پايىزدى قۇرايدى، اقىلى نەگىزدە - 380473 ادام نەمەسە 66 پايىز وقيدى.
مەملەكەتتىك تىلدە وقيتىن ستۋدەنتتەردىڭ ۇلەسى - 64,9 پايىز، ورىس تىلىندە - 29,6 پايىز جانە اعىلشىن تىلىندە 5,5 پايىز قۇرادى. بىتىرگەن بىلىكتى ماماندار 153627 ادامدى قۇرادى، بۇل 2019/2020 وقۋ جىلىمەن سالىستىرعاندا 8 پايىز (142435 ادام) ارتتى. شتاتتاعى پروفەسسورلىق- وقىتۋشىلىق قۇرامنىڭ سانى 36307 ادامدى قۇرايدى، سونىڭ ىشىندە قوسا اتقارۋشىلىقپەن 6137 وقىتۋشى جۇمىس ىستەيدى.
جالپى پروفەسسورلىق- وقىتۋشىلىق قۇرامنان 8,1 پايىز قىزمەتكەرلەردىڭ عىلىم دوكتورى عىلىمي دارەجەسى بار، عىلىم كانديداتى - 31,7 پايىز، پروفەسسور اتاعى - 6,3 پايىز جانە دوتسەنت - 14,7 پايىز. ماگيستر اكادەميالىق دارەجەسى بار وقىتۋشىلاردىڭ سانى - 13067 ادام نەمەسە 36 پايىز، فيلوسوفيا دوكتورى (PhD) جانە بەيىن بويىنشا دوكتور - 3079 ادام نەمەسە 8,5 پايىز.
