قازاقستان حالىق پارتياسى شىڭ باسىندا ەرەكشە شارا وتكىزدى
الماتى. قازاقپارات - بۇگىن، 13-جەلتوقساندا قازاقستان حالىق پارتياسى الماتى قالالىق فيليالى مەن «كيروۆ» اسكەري- پاتريوتتىق كلۋبىنىڭ وكىلدەرى وڭتۇستىك استانانىڭ ماڭىنداعى تاۋلاردا ۇگىت- ناسيحات شاراسىن وتكىزدى، دەپ حابارلايدى قازاقپارات ق ح پ الماتى قالالىق كوميتەتىنە سىلتەمە جاساپ.
بەلسەندىلەر توبى فۋرمانوۆ شىڭىنا (بيىكتىگى شامامەن 3000 مەتر) كوتەرىلىپ، شىڭ باسىنا ق ح پ سيمۆوليكاسى بەينەلەنگەن ۇگىت-ناسيحات باننەرىن ورنالاستىردى. ءىس- شارا قازاقستان حالىق پارتياسىنىڭ سايلاۋالدى ناۋقانى اياسىندا ۇيىمداستىرىلدى.
ق ح پ الماتى قالالىق فيليالىنىڭ باسشىسى الىبەك شاپەنوۆ اتاپ وتكەندەي، ۇگىت- ناسيحاتتىڭ مۇنداي فورماتى تەكتەن تەك تاڭدالىپ الىنعان جوق. - سىرتتان قاراعاندا، مۇنداي ارەكەت ەرەكشە كورىنۋى مۇمكىن. ءبىراق ءبىز ءۇشىن تاۋ شىڭدارىن باعىندىرۋ داستۇرگە اينالعان دۇنيە، - دەدى ول.
سونداي-اق ق ح پ مەن «كيروۆ» كلۋبى مۇنداي بىرلەسكەن شارانى بۇرىن دا بىرنەشە رەت ۇيىمداستىرعان بولاتىن. ولار بۇعان دەيىن «تۋريست» شىڭىن (3954 مەتر) جانە «پيونەر» شىڭىن (4031 مەتر) باعىندىرعان ەدى. بۇل جولى جىلدىڭ مەزگىلى مەن اۋا رايىن ەسكەرىپ، فۋرمانوۆ شىڭىن باعىندىرۋ قولعا الىندى. تەمپەراتۋرانىڭ تومەندىگى مەن تاۋ جولدارىنىڭ قاتتىلىعى تاڭدالعان مارشرۋتتىڭ كۇردەلى بولاتىنىن بىردەن بايقاتتى.
دەسە دە دىتتەگەن ماقساتقا جەتپەي تىڭبايتىن تاباندى الپينيستەر شىڭدى ويداعىداي باعىندىردى. ق ح پ الماتى قالالىق فيليالى جاستار قاناتىنىڭ جەتەكشىسى تۇرسىنعالي ءالىپتىڭ ايتۋىنشا، بۇل جولعى ۇگىت- ناسيحات شاراسى رومانتيكالىق ءارى پاتريوتتىق سارىندا ءوربىدى.
- الماتى - تاۋلى شاھار. قالالىقتار سالاۋاتتى ءومىر سالتىن، دەمالىستىڭ وسىنداي تۇرلەرىن جاقسى كورەدى. ءبىز دە وسى ۇدەدەن شىعۋعا تىرىسامىز، - دەيدى ول.
