قار، كوكتايعاق، تۇمان - سەنبىگە ارنالعان اۋا رايى

14-قاراشادا قازاقستانداعى اۋا رايىنا ورتالىعى ەكاتەرينبۋرگ ماڭايىندا ورنالاسقان سيكلون اسەر ەتەدى. كوبىنەسە قار جاۋادى. كەي جەرلەردە تۇمان ءتۇسىپ، كوكتايعاق بولادى، جەل كۇشەيىپ، سولتۇستىك پەن شىعىس وڭىرلەردە جاياۋ بۇرقاسىن سوعادى.

قوستاناي، سولتۇستىك قازاقستان، قاراعاندى وبلىستارىنىڭ كەي جەرلەرىندە تۇمان ءتۇسىپ، كوكتايعاق بولادى، جاياۋ بۇرقاسىن سوعادى، جەلدىڭ جىلدامدىعى 15-20 م/س جەتەدى. تۇركىستان، باتىس قازاقستان وبلىستارىنىڭ كەي جەرلەرىندە تۇمان ءتۇسىپ، كۇندىز جەلدىڭ كۇشى 15-20 م/س جەتەدى. جامبىل، ماڭعىستاۋ، تۇندە جانە تاڭەرتەرتەڭ الماتى وبلىستارىنىڭ كەي جەرلەرىندە تۇمان ءتۇسىپ، كوكتايعاق بولادى، جامبىل وبلىسىندا جەلدىڭ جىلدامدىعى 15-20 م/س جەتەدى.

اقمولا وبلىسىنىڭ كەي جەرلەرىندە جاياۋ بۇرقاسىن سوعادى، جەلدىڭ كۇشى 15-20 م/س جەتۋى مۇمكىن.

قىزىلوردا وبلىسىنىڭ كەي جەرلەرىندە كوكتايعاق بولادى، كۇندىز جەلدىڭ ەكپىنى 15-20 م/س كۇشەيەدى.

اتىراۋ، شىعىس قازاقستان وبلىستارىنىڭ كەي جەرلەرىندە تۇمان ءتۇسۋى مۇمكىن.