بىزگە بەيتانىس ەكولوگيالىق تازا ەنەرگيا كوزدەرى

الايدا جاھانداعى مۇناي مەن كومىر قورى شەكتەۋلى، تاۋسىلۋعا جاقىن. ونىڭ ۇستىنە، بۇل ەكەۋى ەكولوگياعا زيان.

سوندىقتان ادامزات تەحنولوگياسى قازىر بالامالى ەنەرگيا كوزدەرىن ىزدەپ، سونى وندىرۋگە، كەڭ قولدانۋعا كوشۋدە. ال بالامالى ەنەرگيا كوزدەرى دە ءبىز كوبىندە جەل، كۇن مەن سۋدى ەستىگەنبىز. الايدا بالامالى، ەكولوگياعا تازا ەنەرگيا كوزدەرى كوپ. كوبى زەرتتەلگەن جوق ءارى ادام قولى تيمەگەن سالا.

ماسەلەن، مۇحيت پەن تەڭىز تولقىنى، اتقىلاپ جاتقان گەيزەر، مۇحيت اعىنى، تەڭىز تۇبىندەگى قىسىم، مۇحيتتىڭ تارتىلۋى مەن تولىسۋى، سارقىراما، تابيعي گاز، گەوتەرميالىق ەنەرگيا، سۋتەگى، مۇحيت بالدىرى، تەرموەلەكتروندى ەميسسيا، ت. ب. ودان باسقا قازىر كۇن ەنەرگياسى مەن كۇن باتارەياسىنا قويىلىپ جاتقان فرەنەل لينزاسىنىڭ دا قۋاتى جوعارى.

بالامالى ەنەرگيا كوزدەرىنىڭ قۋاتى پەن قاۋقارى وتە كۇشتى، رەسۋرسى مول، ءتىپتى، ەسەپتەۋدىڭ ءوزى قيىن. مىسالى، فۋتۋرولوگ جاك فرەسكونىڭ ايتۋىنشا، جۇلدىز بەن عارىشتاعى تەرمويادرولىق ەنەرگيانى ءوندىرۋدىڭ جولىن ادامزات تاپسا، وندا ميلليونداعان جىلعا جەتەر قۋات كوزىن وندىرۋگە بولادى. سوندا ادامزات ەنەرگيا ءوندىرۋ ماسەلەسىن تولىق شەشەدى.

ال وكەانوگرافتاردىڭ ايتۋىنشا، جەر شارىنىڭ 70,8 پايىزىن الىپ جاتقان دۇنيەجۇزىلىك مۇحيت سۋى دا ادامزات سارقىلماس ەنەرگيا كوزى بولا الادى.

دجون د. يسااك پەن ۆالتەر ر. ءشميتتىڭ ەسەپتەۋىنشە، مۇحيت سۋىنداعى ۋران پەن توريدى يادروعا ءبولۋ ارقىلى ەنەرگيا ءوندىرىپ ادامزاتتىڭ مىڭداعان جىلعا جەتەر قۋاتىن تۇگەندەۋگە بولادى. مۇنداي ەنەرگيالىق پروگرەسكە ادامزات وسى عاسىردا جەتۋى مۇمكىن ءارى تەرمويادرولىق سينتەز بەن گەوتەرمالدى ءوندىرىس - الداعى ءجۇزجىلدىقتىڭ نەگىزگى قۋات كوزىنە اينالۋى ىقتيمال. بۇل ەكەۋى دە قازىرگى اتوم ەنەرگياسىنان الدەقايدا قاۋىپسىز ءارى ەكولوگياعا زيانى از.

ال جەردەن اتقىلاپ جاتقان گەيزەر مەن باستاۋ، بۇلاقتان وندىرىلگەن گەوتەرميالىق ەنەرگيا - قازىرگى مۇناي مەن كومىردەن 500 ەسە كوپ ءارى قۋاتتى ەنەرگيا. گەوتەرميالىق ستانتسيا كومىرقىشقىل گازى پەن ازوت وكسيدىن شىعارمايدى، تەك ازداپ كۇكىرت تاراتادى.

گەوتەرميالىق ەنەرگيانى باۋ- باقشا وسىرۋگە دە قولدانۋعا بولادى. ماسەلەن، قازىر يسلانديادا گەيزەردەن شىققان بۋمەن جىلىناتىن جىلىجايلار بار. قۇرلىقتان الىس جاتقان ارال- مەملەكەتكە بۇل تاپتىرماس امال بولدى. قازىر بالىق وسىرۋگە قولدانۋ ءۇشىن سىناق جاسالۋدا.

ءبىر سوزبەن ايتقاندا، مۇناي مەن كومىردەن ەنەرگيا ءوندىرۋدىڭ جەر بەتىندە جۇزدەگەن جولى مەن امالدارى بار. تەك وعان جۇيەلى عىلىمي زەرتتەۋ مەن ينۆەستيتسيا، مەملەكەتتىك قولداۋ قاجەت بوپ تۇر. ال مۇناي ماگناتتارى باستاعان توپ مۇنداي يننوۆاتسياعا مۇرسات بەرمەي جاتقان جايى بار.

massaget.kz