كارانتين كەزىندە قانشا قازاقستاندىق الەۋمەتتىك تولەم العانى ءمالىم بولدى

باسپا ءسوز قىزمەتىنىڭ مالىمەتتەرىنە قاراعاندا، اتالعان تولەم ەل تۇرعىندارىنا اعىمداعى جىلعى شىلدەدە ەنگىزىلگەن شەكتەۋ شارالارى كەزىندە تابىسىنان ايىرىلعانى ءۇشىن مەملەكەتتىك الەۋمەتتىك ساقتاندىرۋ قورىنان (بۇدان ءارى - م ءا س ق) بولىنگەن.

«ءبىرجولعى تولەم تاعايىنداۋعا ازاماتتاردان 2 ميلليون 599 مىڭنان استام بىرەگەي ءوتىنىش قابىلداندى. تولەم مولشەرى ەڭ تومەنگى جالاقىعا، ياعني 42500 تەڭگەگە تەڭ. تولەمدى 2 ميلليون 390,9 مىڭ قازاقستاندىق الدى، ونىڭ ىشىندە 2 ميلليون 384,2 مىڭ ادام تامىز ايىندا كارانتيننىڭ ۇزارتىلۋىنا بايلانىستى 0,5 ەڭ تومەنگى جالاقى مولشەرىندە نەمەسە 21 250 مىڭ تەڭگە قوسىمشا اقى الدى. وسى باعىتتاعى جۇمىستار جالعاسۋدا»، - دەلىنگەن حابارلامادا.

باسپا ءسوز قىزمەتىنىڭ مالىمەتتەرىنە قاراعاندا، م ءا س ق-تان تولەم الۋعا وتىنىمدەر بىرنەشە ارنا ارقىلى قابىلدانادى. 2 ميلليون 599 مىڭنان استام ءوتىنىمنىڭ ىشىندە:

- 834,5 مىڭ ادام پرواكتيۆتى فورماتتا تولەم تاعايىنداۋعا كەلىسىم بەرگەن؛

- 685,4 مىڭ ادام Egov.kz پورتالى جانە telegram-بوتتار ارقىلى؛

- 413 مىڭ ادام 42500.enbek.kz پورتالى ارقىلى؛

- 665,8 مىڭ ادام ەكىنشى دەڭگەيدەگى بانكتەردىڭ موبيلدىك قوسىمشالارى مەن ينتەرنەت- رەسۋرستارى ارقىلى؛

- 0,5 مىڭ ادام شتابتار ارقىلى ءوتىنىش بەرگەن. ازاماتتاردىڭ ساناتتارى بولىنىسىندە:

- 834,5 مىڭ ءوتىنىش ءبىرىڭعاي جيىنتىق تولەم تولەۋشىلەردەن كەلگەن (پرواكتيۆتى فورماتتا)؛ - 268,9 مىڭ ءوتىنىشتى جالدامالى قىزمەتكەرلەرى ءۇشىن جۇمىس بەرۋشىلەر بەرگەن؛

- 1 ميلليون 496 مىڭ ءوتىنىش ازاماتتاردىڭ باسقا ساناتتارىنان كەلىپ ءتۇستى (جەكە كاسىپكەرلەر، جەكە پراكتيكامەن اينالىساتىن ادامدار، ازاماتتىق- قۇقىقتىق سيپاتتاعى شارتتار بويىنشا تابىس الاتىن جەكە تۇلعالار). تولەم 2 ميلليون 393,4 مىڭ ادامعا تاعايىندالدى. قاراجات 2 ميلليون 390,9 مىڭ قازاقستاندىققا اۋدارىلدى.

«بۇعان دەيىن حابارلانعانداي، قازاقستان اۋماعىندا كارانتيننىڭ 2 اپتاعا سوزىلۋىنا بايلانىستى م ءا س ق-تان ءبىرجولعى تولەم الۋشىلارعا 0,5 ە ت ج - 21250 تەڭگە مولشەرىندە قوسىمشا اقى تولەنەدى. 2020 -جىلدىڭ شىلدەسىندە م ءا س ق-تان ءبىرجولعى تولەم العان قازاقستاندىقتارعا كارانتيننىڭ ۇزارتىلۋىنا بايلانىستى قوسىمشا اقى اۆتوماتتى تۇردە تاعايىندالادى. قايتا ءوتىنىش بەرۋدىڭ قاجەتى جوق. كارانتين ۇزارتىلعاننان كەيىن ءبىرجولعى تولەم تاعايىنداۋعا العاش رەت ءوتىنىش بەرگەن ازاماتتارعا تولەم 1,5 ە ت ج نەمەسە 63750 تەڭگە (42500 + 21250 تەڭگە) مولشەرىندە تاعايىندالادى. ءوتىنىش قابىلداۋ 2020 -جىلدىڭ 1-قىركۇيەگىنە دەيىن جالعاسادى»، - دەپ مالىمدەدى مينيسترلىكتىڭ باسپا ءسوز قىزمەتى.