08:29, 26 - تامىز 2020 | GMT +6
اتىراۋداعى وقۋشىلار مەن جاستار سارايىنا اباي ەسىمى بەرىلەدى
اتىراۋ. قازاقپارات - قازاقتىڭ ۇلى اقىنى ابايدىڭ ەسىمى اتىراۋدا بوي كوتەرگەن وقۋشىلار مەن جاستار سارايىنا بەرىلەدى، دەپ حابارلايدى قازاقپارات.
وبلىس اكىمىنىڭ ورىنباسارى باقىتگۇل حامەنوۆانىڭ ايتۋىنشا، بۇعان دەيىن دانا ابايدىڭ ەسىمى 5 مەكتەپ پەن 28 كوشەگە بەرىلگەن.
«ەندى بيىلعى 175 جىلدىق مەرەيتويى اياسىندا اقىن ەسىمىن وقۋشىلار مەن جاستار سارايىنا بەرۋ ۇسىنىلىپ وتىر. اتالعان سارايدىڭ الدىنا دارا ويشىلدىڭ ەسكەرتكىشىن ورناتۋ جوسپاردا بار»، - دەدى وبلىستىق ءماسليحاتتىڭ سەسسياسىندا وبلىس اكىمىنىڭ ورىنباسارى باقىتگۇل حامەنوۆا.
ەسكە سالا كەتەلىك، بۇعان دەيىن اتىراۋدا دۇنيەگە كەلگەن سابيگە اباي ەسىمى بەرىلگەن ەدى.
