كوروناۆيرۋسپەن اۋىرعان بلوگەرلەر دونورلىق قان تاپسىرىپ جاتىر
بۇل باستامانى بەلگىلى بلوگەرلەر، بەلسەندىلەر ۇيىمداستىردى. ولاردىڭ ىشىندە كوروناۆيرۋسپەن اۋىرعان بلوگەرلەر دە بار. ت م د اۋماعىندا ءبىرىنشى رەت قولعا الىنىپ وتىرعان بۇل اكتسيانىڭ باستى ماقساتى - ناۋقاستاردىڭ دەنساۋلىعىن ساقتاۋعا قوعام ۇلەسىن قوسۋدى ناسيحاتتاۋ.
« ومىرگە ءۇمىت سىيلا» دەپ اتالاتىن اكتسياعا 2 اپتا دايىندالدىق. بۇل يگى باستامانى قايرات قۇدايبەرگەنوۆ باستادى. ءبىزدىڭ يدەيامىزدى قالا اكىمدىگى دە قولدادى. بۇگىن قان ورتالىعىنا كوپ ادامدى جيناپ، قان تاپسىرۋعا ۇگىت- ناسيحات جۇرگىزىپ جاتىرمىز»، - دەدى Instagram-داعى پابليكتەردىڭ ءبىرىنىڭ اكىمشىسى، بلوگەر ءارى كاسىپكەر ۆلاديمير ۆولكوۆ.
عىلىمي زەرتتەۋلەرگە سايكەس، قان پلازماسى كادىمگى ۆاكتسينانىڭ ورنىن الماستىرادى.
«ەگەر قان تالداۋى بارلىق جاعىنان تازا بولسا، قان تاپسىرۋ - ءار ازاماتتىڭ بورىشى دەپ سانايمىن. سەبەبى، ادامدارعا قان كەز كەلگەن جاعدايدا كەرەك بولادى. بۇل ماتەريال اۋىرىپ جاتقان كوپتەگەن ازاماتتىڭ دەنساۋلىعىن جاقسارتۋعا ىقپال ەتپەك»، - دەدى بەلگىلى قازاقستاندىق ۆاينەر مەيىرجان تورەبايەۆ.
اكتسيا ۇيىمداستىرۋشىلارى ك ۆ ي- مەن اۋىرعان ازاماتتاردى قان تاپسىرۋعا شاقىردى. سەبەبى ولاردىڭ قانىنىڭ پلازماسىندا كوروناۆيرۋسقا قارسى انتيدەنەلەر كوپ بولادى.
