قازاق قوعامىنا نە كەرەك دەگەندە ءالى كۇنگە ابايعا جۇگىنىپ، سودان تابامىز - داۋلەتكەرەي كاپ ۇلى

نۇر- سۇلتان. قازاقپارات - ابايدىڭ كەشەگى ءوزى ءومىر سۇرگەن زامانىندا ايتقان ازاماتتىق ويلارى بۇگىنگى كۇنى دە وزەكتىلىگىن جويعان جوق. مۇنداي پىكىردى ق ر جازۋشىلار وداعى نۇر- سۇلتان قالالىق فيليالىنىڭ ديرەكتورى، اقىن داۋلەتكەرەي كاپ ۇلى ءبىلدىردى، دەپ حابارلايدى قازاقپارات ءتىلشىسى.

«اباي حالىقتىڭ ابايى بولعاننان كەيىن بۇل كۇن ۇلتتىق مەرەكەگە اينالىپ جاتىر. ابايدىڭ كەشەگى ءوزى ءومىر سۇرگەن زامانىندا حالىقتىڭ مۇڭىن مۇڭداعان دۇنيەسى، جالپى ازاماتتىق ويلارى بۇگىنگى كۇنى دە وزەكتىلىگىن جويعان جوق. سونىڭ ىشىندە قازاق قوعامىنا نە كەرەك، قازاق قوعامىنا قانداي قادىر- قاسيەت قاجەت دەگەندە ءالى كۇنگە ابايعا جۇگىنەمىز. ونى ابايدان تابامىز. سوندىقتان اباي كۇنى تەك ءبىر عانا كۇن ەمەس جىل بويى اتالىپ ءوتىلۋى ءتيىس. قازاقتىڭ ءومىر ءسۇرۋ عۇرپىندا، سالتىندا ابايدىڭ ويلاۋ جۇيەسى، ابايدىڭ قازاقتى ءسۇيۋى، ۇلتقا دەگەن ماحابباتى جالعاسىن تابۋى كەرەك. ويتكەنى، ابايدى تەك ءبىر كۇن عانا ۇلتىقتاپ، قالعان كۇندەرى ۇمىتۋ تانىمىمىزعا جات دۇنيە. ابايمەن ماقتانعان كۇننىڭ وزىندە دە ونىڭ شىعارمالارىن تانىپ بارىپ قانا ماقتانعانىمىز ءجون»، - دەدى داۋلەتكەرەي كاپ ۇلى.

ايتا كەتەيىك، قازاقتىڭ ۇلى اقىنى ابايدىڭ 175 جىلدىق مەرەيتويىنا وراي ق ر مەملەكەتتىك حاتشىسى قىرىمبەك كوشەربايەۆ باستاعان ءبىر توپ مەملەكەت جانە قوعام قايراتكەرى ەلورداداعى اباي ەسكەرتكىشىنە سالتاناتتى جاعدايدا گۇل شوقتارىن قويعان ەدى.

ەستەرىڭىزدە بولسا تاياۋدا قازاقستان ۇكىمەتىنىڭ قاۋلىسىمەن 10- تامىز اباي كۇنى بولىپ بەلگىلەندى.

اۆتور: مارلان جيەمباي