وكپە قابىنۋىنان كوز جۇمعاندار قالاي جەرلەنەدى
بۇل تۋرالى ق ر دەنساۋلىق ساقتاۋ ءمينيسترى الەكسەي سوي ايتتى، دەپ حابارلايدى قازاقپارات ءتىلشىسى.
«كوروناۆيرۋستان قازا تاپقانداردى جەرلەۋ ەرەجەسى وكپە قابىنۋىنان قايتىس بولعاندارعا دا قولدانىلا ما؟ « دەگەن سۇراق قويىلعان ەدى.
«بۇل بىردەي جاعداي. سوندىقتان ەمدەۋ شارالارىمەن قاتار باسقا دا پريتسيپتەر ساقتالاتىن بولادى»، - دەپ جاۋاپ بەردى مينيستر. ايتا كەتەيىك، ق ر باس مەملەكەتتىك سانيتار دارىگەرى ايجان ەسماعامبەتوۆانىڭ كوروناۆيرۋس ىندەتىنەن قازا تاپقانداردى جەرلەۋ الگوريتمى ايقىندالعان قاۋلىسى شىققان بولاتىن. اتالعان قاۋلىنىڭ قوسىمشاسىنا سايكەس، COVID-19-عا كۇدىكتى ادام قايتىس بولعاندا ەپيدەميولوگيالىق تەكسەرۋ جانە وسى جاعدايعا بايلانىستى باسقا دا ءىس- شارالار ەپيدەمياعا قارسى رەجيم تالاپتارىن ساقتاي وتىرىپ تەز ارادا جۇرگىزىلەدى. COVID-19 دياگنوزى زەرتحانالىق راستالعان جاعدايدا قايتىس بولعان ادامنىڭ دەنەسى اشىلمايدى جانە تۋىستارىنا بەرىلمەيدى. ال، COVID-19-عا كۇدىكتى قايتىس بولعاندا ءمايىت زەرتحانالىق زەرتتەۋ ناتيجەسى شىققانشا تۋىستارىنا بەرىلمەيدى.