12:26, 30 - شىلدە 2020 | GMT +6
ديماش قۇدايبەرگەن قازاق تىلىندە جاڭا بەينەبايان ءتۇسىردى
نۇر-سۇلتان. قازاقپارات - ءانشى ديماش قۇدايبەرگەن قازاق تىلىندەگى جاڭا بەينەبايانىن جارىققا شىعاراتىنىن جاريالادى، دەپ حابارلايدى قازاقپارات.
ءانشى بۇل تۋرالى instagram پاراقشاسىندا جازدى.
«دوستار! بىرنەشە كۇن بۇرىن قازاق تىلىندەگى كەرەمەت ءبىر ءان بويىنشا بەينەبايان ءتۇسىرىلىمىنىڭ اياقتالعانىن قۋانا حابارلايمىن. تاياۋدا جاڭا ءان مەن جاڭا ۆيدەو جارىققا شىعادى»، - دەپ جازدى ديماش قۇدايبەرگەن.
ءانشى ونەر جولىندا قازىرگى ۋاقىتتا جاڭا بەلەستەردى باعىندىرىپ كەلەدى. جاقىندا گرەكيانىڭ «Radio1 101FM» تانىمال راديوسىندا ديماش قۇدايبەرگەننىڭ اندەرى شىرقالا باستاسا، امەريكا قۇراما شتاتتارىنىڭ راديوستانتسيالارىندا دا ونىڭ اندەرى تۇراقتى بەرىلىپ كەلەتىنى تاعى حابارلانعان بولاتىن.