پنيەۆمونيا جۇقتىرعان مەديتسينا قىزمەتكەرلەرىنە وتەماقى تولەنەدى
وسى ماسەلە COVID-19 - كوروناۆيرۋس ينفەكسياسىنا قارسى كۇرەس بويىنشا ەپيدەميامەن كۇرەس شارالارىنا جۇمىلدىرىلعان دەنساۋلىق ساقتاۋ ۇيىمدارىنىڭ قىزمەتكەرلەرىنە وسى ينفەكسيانى جۇقتىرعان جانە سودان قايتىس بولعان جاعدايدا ءبىرىڭعاي الەۋمەتتىك تولەم جۇرگىزۋ تۋرالى ەڭبەك جانە حالىقتى الەۋمەتتىك قورعاۋ مەن دەنساۋلىق ساقتاۋ مينيسترىگىنىڭ 2020 -جىلدىڭ 22 -شىلدەسىندەگى بىرلەسكەن بۇيرىعىنىڭ ەرەجەلەرىنە ەنگىزىلگەن وزگەرىستەر مەن تولىقتىرۋلار ارقىلى رەتتەلىپ وتىر.
ەرەجە COVID-19 - كوروناۆيرۋس ينفەكسياسىنا قارسى كۇرەس بويىنشا ەپيدەمياعا قارسى شارالارعا جۇمىلدىرىلعان دەنساۋلىق ساقتاۋ ۇيىمدارىنىڭ قىزمەتكەرلەرى ەگەر ولار كلينيكالىق جانە ەپيدەميولوگيالىق بەلگىلەرى بار، COVID-19 - كوروناۆيرۋس ينفەكسياسى بەلگىلەرىنە ۇقساس ينفەكسيانى جۇقتىرعان جانە سودان قايتىس بولعان جاعدايدا ءبىرىڭعاي الەۋمەتتىك تولەم جۇرگىزۋدى كوزدەيدى.
«ءبىرىڭعاي الەۋمەتتىك تولەم مەملەكەتتىك الەۋمەتتىك ساقتاندىرۋ قورى ەسەبىنەن جۇرگىزىلەدى. اتاپ ايتقاندا - COVID-19 - كوروناۆيرۋس ينفەكسياسىن جۇقتىرعان، ۆيرۋستى پنيەۆمونيامەن اۋىرعان جاعدايدا - 2 ميلليون تەڭگە بەرىلەدى. ال COVID-19 - كوروناۆيرۋس ينفەكسياسىنان نەمەسە ۆيرۋستى پنيەۆمونيادان قايتىس بولعان جاعدايدا وتباسىنا 10 ميلليون تەڭگە بەرىلەدى»، - دەلىنگەن قۇجاتتا.
تولەم COVID-19 كوروناۆيرۋس ينفەكسياسى، ۆيرۋستى پنيەۆمونيامەن جۇقتىرۋ فاكتىسى انىقتالعان كۇننەن باستاپ ەكى جۇمىس كۇنى ىشىندە دەنساۋلىق ساقتاۋ ۇيىمدارىنىڭ باسشىلارىنىڭ جازباشا تۇردە بەرگەن اقپاراتتارىنىڭ نەگىزىندە جۇزەگە اسىرىلادى. وسىلايشا مەديتسينالىق قىزمەتكەرلەردىڭ ءتىزىمى جاسالادى.
دەنساۋلىق ساقتاۋ ۇيىمدارى قىزمەتكەرلەرىنىڭ ءتىزىمى سونداي-اق، وبلىستاردىڭ، رەسپۋبليكالىق ماڭىزى بار قالانىڭ نەمەسە استانانىڭ نەمەسە ك ك ك ب ت ۋ دەنساۋلىق ساقتاۋدىڭ جەرگىلىكتى مەملەكەتتىك ورگاندارىنىڭ فايلدارى نەگىزىندە قالىپتاستىرىلىپ، جاۋاپتى قىزمەتكەر ول ءتىزىمدى قازاقستان رەسپۋبليكاسى دەنساۋلىق ساقتاۋ مينيسترلىگىنىڭ اقپاراتتىق جۇيەسىنە ەنگىزەدى.
