08:43, 29 - ماۋسىم 2020 | GMT +5
«ارسەنال» وتىزىنشى رەت انگليا كۋبوگىنىڭ جارتىلاي فينالىنا شىقتى
نۇر-سۇلتان. قازاقپارات - بۇگىن انگليا كۋبوگىنىڭ 1/4 فينالى اياسىندا «شەففيلد يۋنايتەد» - «ارسەنال» ماتچى ءوتتى، دەپ حابارلايدى Prosports.kz.

لوندوندىق كوماندا 2:1 ەسەبىمەن جەڭىسكە جەتتى. 25-مينۋتتا نيكوليا پەپە پەنالتيدى ءساتتى ورىنداپ، «ارسەنالدى» العا شىعاردى.
الاڭ قوجايىندارى 80-مينۋتتا ماكگولدريك گولىنىڭ ارقاسىندا تارازى باسىن تەڭەستىرە الدى.
ايتكەنمەن 90-مينۋتتا داني سەبالوس جەڭىستى گولدى سوعىپ، ميكەل ارتەتا كومانداسىن تۋرنيردىڭ 1/2 فينالىنا الىپ شىقتى.
«ارسەنالدىڭ» نەگىزگى ورتالىق قورعاۋشىسى داۆيد لۋيز ەكىنشى تايمدا جاراقات الىپ قالدى.