ەلوردادا جانە تاعى بىرنەشە وڭىردە اۋا رايىنا بايلانىستى ەسكەرتۋ جاريالاندى

نۇر-سۇلتان. قازاقپارات - اۋا رايىنىڭ بۇزىلۋىنا بايلانىستى ەلىمىزدىڭ ءبىرقاتار وڭىرىندە ەسكەرتۋ جاريالاندى، دەپ حابارلايدى قازاقپارات «قازگيدرومەت» ر م ك باسپا ءسوز قىزمەتىنە سىلتەمە جاساپ.

23-ماۋسىمدا قىزىلوردا وبلىسىندا سولتۇستىك- باتىستان جانە سولتۇستىكتەن جەل سوعادى. جەلدىڭ كۇشى كەي جەرلەردە 15-20 م/س جەتەدى. 23

-ماۋسىمدا اقمولا وبلىسىندا كەي جەرلەردە نايزاعاي جارقىلداپ، سولتۇستىك- شىعىستان جانە سولتۇستىكتەن سوعاتىن جەل ەكپىنى 15-20 م/س دەيىن كۇشەيەدى. ايماقتىڭ باسىم بولىگىندە وتە جوعارى ءورت قاۋپى ساقتالادى.

23-ماۋسىم كۇندىز نۇر-سۇلتان قالاسىندا كۇن كۇركىرەيدى. سولتۇستىك- شىعىستان جانە سولتۇستىكتەن جەل سوعادى. جەل جىلدامدىعى 15-18 م/س بولادى. 23-ماۋسىمدا تاڭەرتەڭ جانە كۇندىز تۇركىستان وبلىسىنىڭ كەي جەرلەرىندە نايزاعاي وينايدى.

سولتۇستىك- باتىستان جەل سوعادى، كەي جەرلەردە جەلدىڭ كۇشى - 15-20 م/س. 23-24 -ماۋسىمدا سولتۇستىك قازاقستان وبلىسىنىڭ كەي جەرلەرىندە نايزاعاي جارقىلدايدى. 23-24-ماۋسىمدا سولتۇستىكتەن سوعاتىن جەل وڭتۇستىك- باتىس باعىتىنا اۋىسادى.

كەي جەرلەردە جەل قارقىنى 15-20 م/س جەتەدى. 24-ماۋسىم كۇندىز پەتروپاۆل قالاسىندا سولتۇستىكتەن سوققان جەل وڭتۇستىك- باتىسقا اۋىسادى. جەل ەكپىنى 15-20 م/س دەيىن كۇشەيەدى.