نۇر-سۇلتانداعى «بەيبىتشىلىك جانە كەلىسىم سارايىنىڭ» لاۋازىمدى تۇلعالارى سوتتالدى

نۇر-سۇلتان. قازاقپارات - اسا ءىرى كولەمدى قاراجات جىمقىرعانى ءۇشىن «بەيبىتشىلىك جانە كەلىسىم سارايى» مەملەكەتتىك كوممۋنالدى قازىنالىق كاسىپورنى ديرەكتورى مەن ونىڭ ورىنباسارى جانە ءبولىم باستىعى سوتتالدى، دەپ حابارلايدى قازاقپارات ق م قارجى مونيتورينگى كوميتەتىنىڭ باسپا ءسوز قىزمەتى نە سىلتەمە جاساپ.

جەدەل-تەرگەۋ ءىس-شارالارى ناتيجەسىندە ق ر ق م قارجى مونيتورينگى كوميتەتىنىڭ نۇر-سۇلتان قالاسى بويىنشا ەكونوميكالىق تەرگەۋ دەپارتامەنتىمەن نۇر-سۇلتان قالاسى اكىمدىگىنىڭ «بەيبىتشىلىك جانە كەلىسىم سارايى» مەملەكەتتىك كوممۋنالدى قازىنالىق كاسىپورنىندا (م ك ق ك) جۇمىس جاسايتىن لاۋازىمدى تۇلعالاردىڭ قىلمىستىق ارەكەتى اشكەرەلەندى.

اتالعان لاۋازىمدى تۇلعالار 2017 -جىلدىڭ قازان مەن جەلتوقسان ايلارى ارالىعىندا تاۋارلاردى كوتەرىڭكى باعامەن زاڭسىز مەملەكەتتىك ساتىپ الۋ ارقىلى مەملەكەتكە م ك ق ك اتىنان اسا ءىرى كولەمدە زالال كەلتىرگەن. وسىلايشا، تەرگەۋ بارىسىندا م ك ق ك لاۋازىمدى تۇلعالارىنا ۇلەستەس مەملەكەتتىك ساتىپ الۋعا قاتىستى جاساندى تۇلعاعا راسىمدەلگەن «Astana art creative group» ج ش س انىقتالدى.

تەرگەۋ ورگاندارىنىڭ سوتقا دەيىنگى تەرگەۋ ناتيجەلەرى بويىنشا م ك ق ك باس ديرەكتورى مەن ونىڭ ورىنباسارى جانە ءبولىم جەتەكشىسىنىڭ ارەكەتتەرى ق ر ق ك 189 بابىنىڭ 3 ب. , 2 ت. مەن 4 ب.، 2 ت. بويىنشا سارالاندى. كورسەتىلگەن قىلمىس ءۇشىن ق ر ق ك 7 جىلدان 12 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا قاراستىرىلعان. 2020 -جىلدىڭ 30-ناۋرىزىندا.

نۇر-سۇلتان قالاسى ەسىل اۋدانىنىڭ №2-سوتى ۇكىمىمەن م ك ق ك باس ديرەكتورى 8 جىلعا باس بوستاندىعىنان، ونىڭ ورىنباسارى (ونىڭ ارەكەتتەرى ق ر ق ك 361 بابىنىڭ 4 ب.، 1 ت. سارالاندى) 3,6 جىلعا باس بوستاندىعىنان، ءبولىم جەتەكشىسى 7 جىلعا باس بوستاندىعىنان ايىرىلدى. 2020 -جىلدىڭ 15-ماۋسىمىندا نۇر-سۇلتان قالاسىنىڭ اپەللياتسيالىق سوتى ينستانسياسىمەن ايىپتالۋشىلارعا قاتىستى ۇكىم وزگەرىسسىز قالدىرىلدى. سوت ۇكىمى زاڭدى كۇشىنە ەندى.