18:44, 15 - ماۋسىم 2020 | GMT +5
تارازدا پرەمەر- مينيستر مىنگەن تىكۇشاق شۇعىل قونۋعا ءماجبۇر بولعان
نۇر- سۇلتان. قازاقپارات - تارازدا پرەمەر- مينيستر اسقار مامين مىنگەن تىكۇشاق شۇعىل تۇردە جەرگە قونۋعا ءماجبۇر بولعان. ونىڭ سەبەپتەرى تۋرالى «قاز اۆياسپاس» ا ق قوعاممەن بايلانىس ءبولىمى ءمالىم ەتتى، دەپ حابارلايدى قازاقپارات ءتىلشىسى.
«جامبىل وبلىسىندا 12 -ماۋسىم كۇنى بورتىندا پرەمەر- مينيستر اسقار مامين بولعان تىكۇشاق اۋەدەن شولۋ جاساعان. ۇشۋ كەزىندە ۇشقىش گيدراۆليكالىق جۇيەنىڭ ىستەن شىققانىن بايقاعان. وسىدان كەيىن قوسالقى گيدراۆليكالىق جۇيە قوسىلعان. ۇشۋ نۇسقاۋلىعىنا سايكەس تىكۇشاق تارازعا قونۋعا ءماجبۇر بولدى»، - دەپ حابارلادى «قازاۆياسپاس» ا ق قوعاممەن بايلانىس ءبولىمىنىڭ مامانى انار حاميتوۆا قازاقپارات تىلشىسىنە.
ونىڭ ايتۋىنشا، قازىرگى ۋاقىتتا ازاماتتىق اۆياتسيا سالاسىندا يندۋستريا جانە ينفراقۇرىلىمدىق دامۋ مينيسترلىگى ارنايى كوميسسيا قۇرعان. اتالعان جاعدايدىڭ رەسمي سەبەبى كەيىنىرەك جاريالانادى.
