كوروناۆيرۋس: مەمورگانداردىڭ، ۇلتتىق كومپانيالار مەن وزگە دە كەڭسەلەردىڭ جۇمىس ءتارتىبى بەكىتىلدى

نۇر-سۇلتان. قازاقپارات – ق ر باس مەملەكەتتىك سانيتارلىق دارىگەر ايجان ەسماعامبەتوۆا قازاقستاندا مەملەكەتتىك ورگانداردىڭ، ۇلتتىق كومپانيالار مەن وزگە دە كەڭسەلەردىڭ جۇمىس ءتارتىبىن ايقىندادى، دەپ حابارلايدى قازاقپارات ءتىلشىسى.

«وبلىستاردىڭ، الماتى، نۇر-سۇلتان، شىمكەنت قالالارىنىڭ اكىمدەرى، ورتالىق مەملەكەتتىك ورگاندار، قۇقىق قورعاۋ جانە ارنايى ورگاندار COVID-19 سىرقاتتانۋشىلىعىنىڭ ءوسۋى 7 كۇن ىشىندە %5 دان اسپايتىن دەڭگەيگە جەتكەن جاعدايدا وسى قاۋلىعا 23-قوسىمشاعا سايكەس الەۋمەتتىك قاشىقتىقتى جانە كۇشەيتىلگەن سانيتاريالىق- دەزينفەكسيالىق رەجيمدى ساقتاي وتىرىپ، مەملەكەتتىك ورگانداردىڭ (ۇيىمداردىڭ)، ۇلتتىق كومپانيالاردىڭ، باسقا دا كەڭسەلەردىڭ قىزمەتىن قامتاماسىز ەتسىن. بۇل رەتتە قىزمەتكەرلەردىڭ كەمىندە %50 ى قاشىقتىقتان جۇمىس ىستەۋ نىسانىندا قالادى (شتات كەستەسىندە 30 دان استام قىزمەتكەر بولعاندا)»، - دەلىنگەن ايجان ەسماعامبەتوۆانىڭ 6-شىلدەدە شىققان قاۋلىسىندا.

وسى قاۋلىعا 23-قوسىمشاعا سايكەس اكىمدىكتەر الەۋمەتتىك قاشىقتىقتى جانە كۇشەيتىلگەن سانيتاريالىق-دەزينفەكسيالىق رەجيمدى ساقتاي وتىرىپ، مەملەكەتتىك ورگانداردىڭ (ۇيىمداردىڭ)، ۇلتتىق كومپانيالاردىڭ، باسقا دا كەڭسەلەردىڭ قىزمەتىن قامتاماسىز ەتەدى.

بۇل رەتتە قىزمەتكەرلەردىڭ كەمىندە %80 ى قاشىقتىقتان جۇمىس ىستەۋ نىسانىندا قالادى (شتات كەستەسىندە 30 دان استام قىزمەتكەر بولعاندا). قاۋلىنىڭ تولىق نۇسقاسىن مىنا سىلتەمەدەن وقۋعا بولادى.

اۆتور: ايان بەكەن ۇلى