14:40, 19 - مامىر 2020 | GMT +6
قازاقستاندا ازىق-تۇلىكتى ەكسپورتتاۋعا سالىنعان شەكتەۋلەر الىنادى
نۇر-سۇلتان. قازاقپارات – ق ر اۋىل شارۋاشىلىعى مينيسترلىگى 1-ماۋسىمنان باستاپ ازىق- تۇلىك تاۋارلارىن ەكسپورتتاۋعا قويىلعان شەكتەۋلەر مەن كۆوتالاردى توقتاتادى.
بۇل تۋرالى ق ر اۋىل شارۋاشىلىعى ءمينيسترى ساپارحان وماروۆ مالىمدەدى، دەپ حابارلايدى قازاقپارات ءتىلشىسى.
«شەكتەۋلەر مەن كۆوتالار توتەنشە جاعداي كەزىندە ازىق-تۇلىك قاۋىپسىزدىگىن قامتاماسىز ەتۋ ماقساتىندا ەنگىزىلگەن ەدى. قازىرگى ۋاقىتتا توتەنشە جاعداي الىنىپ، ەلىمىز ازىق- تۇلىكپەن تولىق قامتاماسىز ەتىلگەن سوڭ مينيسترلىك 1-ماۋسىمنان باستاپ شەكتەۋلەردىڭ كۇشىن جويۋدى جوسپارلاپ وتىر. ءتيىستى بۇيرىق ماقۇلدانىپ جاتىر»، - دەدى س. وماروۆ ۇكىمەت ۇيىندە وتكەن بريفينگتە.
بۇعان دەيىن ق ر اۋىل شارۋاشىلىعى مينيسترلىگى توتەنشە جاعداي كەزىندە ءبىرقاتار اۋىل شارۋاشىلىعى ونىمدەرىن كۆوتا بويىنشا ەكسپورتتاۋعا رۇقسات بەرىپ، كەي ازىق-تۇلىك تاۋارلارىن ەلدەن شىعارۋعا تىيىم سالعان ەدى.
