اقمولا وبلىسىندا بلوك- بەكەتتەر الىندى
ياعني، ايماق ىشىندە ەندى ەمىن- ەركىن جۇرۋگە بولادى. ءبىراق تەك ەلورداعا كىرە بەرىس پەن ونىڭ جانىنداعى سەلينوگراد اۋدانىندا عانا قوزعالىس شەكتەلگەن.
ياعني، نۇر- سۇلتان قالاسى مەن سەلينوگراد اۋدانىنىڭ اۋىلدارىنا جول جوق. سەبەبى اتالعان اۋدان قاۋىپتى ۆيرۋستىڭ وشاعىنا اينالعان. ول ماڭايدا قالعان 3 بەكەت پەن وبلىس شەكارلارىنداعى تاعى بىرنەشە بلوك- بەكەت ءوز جۇمىسىن جالعاستىرا بەرمەك.
ايتا كەتەيىك، كارانتين رەجيمى ەنگىزىلگەن ۋاقىتتا وڭىردە 100 شاقتى بلوك- بەكەت قويىلىپ، ولاردىڭ سانى كەزەڭ- كەزەڭىمەن بىرتىندەپ ازايتىلعان بولاتىن.
سەرىك بايمۇقانوۆ، وبلىستىق جەرگىلىك پوليتسيا باسقارماسىنىڭ باستىعى:
- سەلينوگراد اۋدانىنىڭ تۇرعىندارى ءوز اۋماقتارىندا عانا جۇرە الادى. ولار باسقا اۋداندارعا جانە ەلورداعا كىرە المايدى. ال باسقا اۋداندار ءوزارا قارىم- قاتىناس جاساي الادى. ءبىراق تەك سەلينوگراد اۋدانى مەن استاناعا بارا المايدى. سونداي- اق كورشى وبلىستاردىڭ اۋماعىنا دا وتۋگە رۇقسات جوق.
www.24.kz
