نۇر- سۇلتان مەن پەتروپاۆلدا ساۋدا ورتالىقتارى مەن مونشالار جۇمىسىن باستايدى
دەنساۋلىق ساقتاۋ ءمينيسترى ەلجان ءبىرتانوۆ سانيتارلىق- ەپيدەميولوگيالىق تالاپتاردى قاتاڭ ساقتاۋ قاجەتتىگىنە توقتالدى. سەبەبى، قارانتين شارالارىن جەڭىلدەتۋ كەيبىر وڭىرلەردە اۋرۋدى جۇقتىرۋ سانىن كوبەيتىپ وتىر. وسىعان وراي، وڭىرلەردە قىزمەتىنە قايتا كىرىسكەن وبەكتىلەردە سانيتارلىق تالاپتاردىڭ ورىندالۋىنا قاتاڭ باقىلاۋ ۇيىمداستىرۋ تاپسىرىلدى. تەك، نۇر- سۇلتان قالاسىندا جۇرگىزىلگەن تەكسەرىس بارىسىندا سانيتارلىق تالاپتاردى ورىنداماعان جانە بۇزعان 15 قۇرىلىس نىسانى انىقتالىپ، ولاردىڭ جۇمىسى كەمشىلىكتەر جويىلعانشا توقتاتىلدى. سونىمەن قاتار قولايلى ەپيدەميولوگيالىق جاعدايدى ەسكەرە وتىرىپ، ۆەدومستۆوارالىق كوميسسيانىڭ شەشىمىمەن 2020 -جىلعى 20 -مامىردان باستاپ نۇر- سۇلتان مەن پەتروپاۆل قالالارىندا ساۋدا، ويىن- ساۋىق ورتالىقتارىنىڭ (ويىن- ساۋىق الاڭدارى، فۋدكورتتار، كينوتەاترلار ىسكە قوسىلمايدى) ، قوعامدىق مونشالاردىڭ قىزمەتىن ىسكە قوسۋ تۋرالى شەشىم قابىلداندى.
رەسەي فەدەراتسياسىنان قازاقستاننىڭ 1 مىڭعا جۋىق ازاماتىن، ونىڭ ىشىندە سول جاقتا وقيتىن ستۋدەنت جاستارىمىزدى ەلگە قايتارۋ ماسەلەسى قارالدى. وتىرىس قورىتىندىسى بويىنشا پرەمەر- ءمينيستردىڭ ورىنباسارى ە. توعجانوۆ بىرنەشە ناقتى تاپسىرمالار بەردى.
