اتىراۋدان باسقا وڭىرلەرگە پويىز بيلەتتەرى ساتىلىپ جاتىر
«15- مامىردان باستاپ تەمىرجول بيلەتتەرى بارلىق ساتىلىم كانالدارىنا - بيلەت كاسسالارىنا، ينتەرنەت- رەسۋرستار مەن اۆتوماتتارعا شىعارىلدى. رەسپۋبليكا بويىنشا 179 بيلەت كاسساسى كۇندىز جۇمىسقا شىقتى. ولاردىڭ جۇمىس كەستەسىن رەسمي سايتتارىنان كورۋگە بولادى»، - دەدى «جولاۋشىلار تاسىمالى» ا ق ماركەتينگ جانە ساتىلىم دەپارتامەنتىنىڭ ديرەكتورى الماس ايتبايەۆ.
قاۋىپسىزدىك ماقساتىندا قازاقستاندىقتارعا بيلەتتى ونلاين ساتىپ الۋ ۇسىنىلعان. «ساعات 14:00-دە رەسپۋبليكا بويىنشا 23 مىڭ بيلەت ساتىلدى. پويىز بيلەتتەرى اتىراۋدان باسقا بارلىق وڭىرلەرگە ساتىلۋدا. ويتكەنى اتىراۋدا كارانتين شارالارى جەڭىلدەگەن جوق. توتەنشە جاعدايعا دەيىن بيلەت ساتۋمەن اينالىسقان 14 سايتتىڭ بارلىعى جۇمىس ىستەپ تۇر. تاريفتىك ساياسات تا وزگەرىسسىز قالدى»، - دەدى ول.
اۆتور: ايجان سەرىكجان قىزى
