10:30, 13 - مامىر 2020 | GMT +6
دۇنيەجۇزىلىك دەنساۋلىق ساقتاۋ ۇيىمى كوروناۆيرۋسپەن كۇرەستە قازاقستاندى ۇلگى ەتتى
بريۋسسەل. قازاقپارات - دۇنيەجۇزىلىك دەنساۋلىق ساقتاۋ ۇيىمى ەۋروپالىق وڭىرلىك بيۋروسىنىڭ ديرەكتورى حانس كليۋگە قازاقستاننىڭ كوروناۆيرۋسكە قارسى كۇرەس شارالارىنا جوعارى باعا بەردى، دەپ حابارلايدى قازاقپارات.
«قازاقستان - COVID19 عا قاتىستى احۋالدى تۇراقتاندىرۋ بويىنشا بەلسەندى كۇش-جىگەردىڭ تاماشا ۇلگىسى»، - دەپ جازدى كليۋگە Twitter- دە.
د د ۇ ەۋروپالىق وڭىرلىك بيۋروسىنىڭ باسشىسى ەلىمىزدە كوروناۆيرۋسكە قارسى كەلەسى شارالار اتقارىلىپ جاتقانىن اتاپ ءوتتى:
- كۇشەيتىلگەن باقىلاۋ؛
- تەستىلەۋدىڭ كەڭ اۋقىمى، سونىڭ ىشىندە مەديتسينا قىزمەتكەرلەرىن؛
- مالىمەتتەردى سيفرلىق تۇردە جيناقتاۋ؛
- پروفيلاكتيكالىق شارالاردىڭ ۋاقىتىلى جۇرگىزىلۋى جانە ناۋقاستارمەن بايلانىستا بولعانداردى قاتاڭ باقىلاۋ؛
- ناۋقاستاردى ەمدەۋدىڭ دۇرىس تاكتيكاسى؛
- زەرتتەۋدىڭ جۇرگىزىلۋى.
