ق ر ۇلتتىق بانكى ءتوراعاسى ازىق-تۇلىكتىڭ قىمباتتاۋ سەبەبىن ءتۇسىندىردى

نۇر- سۇلتان. قازاقپارات - قازاقستاندا ازىق-تۇلىك پەن وزگە دە تاۋارلار قىمباتتادى.

بۇل تۋرالى ق ر ۇلتتىق بانكى ءتوراعاسى ەربولات دوسايەۆ ۇكىمەت وتىرىسىندا باياندادى، دەپ حابارلايدى قازاقپارات ءتىلشىسى.

«توتەنشە جاعداي مەن كارانتين تالاپتارىندا تاماق ونىمدەرىنە سۇرانىستىڭ وسۋىنەن قازاقستانداعى جىلدىق ينفلياتسيا ۇدەۋىن جالعاستىردى جانە ەكى اي قاتارىنان 2020 -جىلى %4-6 نىسانالى دالىزدەن استى. بيىلعى ساۋىردە ينفلياتسيا %6,8 دەڭگەيىندە قالىپتاستى. ساۋدالىق سەرىكتەس ەلدەردە كارانتين شارالارى ەنگىزىلىپ، يمپورت شەكتەلدى جانە ۇسىنىستىڭ جەتكىلىكسىز بولۋىنان ازىق- تۇلىك تاۋارلارى باعاسى ءبىر ايدا %1,9 ءوستى، جىلدىق ءوسىم %10,4- كە دەيىن جىلدامدادى. بۇل - 2017 -جىلدان بەرگى ەڭ جوعارى ءوسىم»، - دەدى ەربولات دوسايەۆ قاڭتار- ساۋىردەگى الەۋمەتتىك- ەكونوميكالىق دامۋ قورىتىندىلارى تۋرالى ۇكىمەت وتىرىسىندا.

سپيكەردىڭ ايتۋىنشا، بيىلعى ساۋىردە كوبىنەسە جەمىستەر مەن كوكونىستەر - %5,6،

قانت - %6,2 جانە جارمالار - %3,4 قىمباتتادى.

«ساۋدا جانە سەرۆيس وبەكتىلەرى قىزمەتىنىڭ توقتاتىلۋىنا بايلانىستى ازىق- تۇلىككە جاتپايتىن تاۋارلار مەن اقىلى قىزمەتتەر باعاسىنىڭ دا ءوسۋى الدىڭعى ايدىڭ دەڭگەيىندە ساقتالىپ وتىر. ازىق- تۇلىككە جاتپايتىن تاۋارلار باعاسى جىلدىق ماندە %5,4 كە ءوستى. ۇلتتىق ۆاليۋتانىڭ السىرەۋىنە بايلانىستى ءدارى- دارمەكتەر مەن جەكە قولدانىستاعى تاۋارلار سياقتى جەكەلەگەن تاۋارلار باعاسىنىڭ ءوسۋى جانار- جاعارماي باعاسىنىڭ تومەندەۋىمەن رەتتەلدى. اقىلى قىزمەتتەر باعاسىنىڭ جىلدىق ءوسۋى %3,5 دەڭگەيىندە ساقتالدى»، - دەدى ە. دوسايەۆ.

اۆتور: ايجان سەرىكجان قىزى