لوتەرەيا قىزمەتىن رەتتەيتىن زاڭ ماقۇلداندى

اتالعان قۇجات بويىنشا بايانداما جاساعان ەكونوميكالىق رەفورما جانە وڭىرلىك دامۋ كوميتەتىنىڭ مۇشەسى ءاليا ساپاروۆانىڭ ايتۋىنشا، زاڭ جوباسى 2020 -جىلدىڭ 5-اقپاندا ءماجىلىستىڭ جالپى وتىرىسىندا ءبىرىنشى وقىلىمدا ماقۇلدانعان. زاڭ جوباسىمەن 1 كودەكسكە، 2 زاڭعا وزگەرىستەر مەن تولىقتىرۋ ەنگىزىلەدى.

«زاڭ جوباسىن ءبىرىنشى وقىلىمدا پارلامەنت ءماجىلىسىنىڭ جالپى وتىرىسىندا تالقىلاۋ بارىسىندا، ءماجىلىس ءتوراعاسىنىڭ تاپسىرماسى بويىنشا ەكىنشى وقىلىمعا دايىنداۋ بارىسىندا دەپۋتاتتار «ق ر- نىڭ اكىمشىلىك قۇقىق بۇزۋشىلىق تۋرالى» كودەكسىنە لوتەرەيا وپەراتورى بولىپ تابىلمايتىن تۇلعانىڭ لوتەرەيا وتكىزگەنى ءۇشىن ءبىرىنشى اكىمشىلىك قۇقىق بۇزۋشىلىق كەزىندە ايىپپۇل تۇرىندەگى جاۋاپتىلىقتى ەنگىزۋ بويىنشا جانە «جارناما تۋرالى» زاڭعا لوتەرەيا وپەراتورى جانە لوتەرەيا وپەراتورىمەن شارت اياسىندا لوتەرەيا تاراتۋشىلار ورنالاستىراتىن جارنامانى قوسپاعاندا لوتەرەيا جارناماسىنا تىيىم سالۋ جونىندە تۇزەتۋ ەنگىزىلدى.

بۇدان باسقا لوتەرەيا وتكىزۋدىڭ اشىقتىعىن جانە بارىنشا ايشىقتىعىن قامتاماسىز ەتۋ ماقساتىندا «لوتەرەيالار جانە لوتەرەيا قىزمەتى تۋرالى» زاڭعا تيراجدىق كومميسيانىڭ جانە لوتەرەيا تاراتۋشىنىڭ اگەنتىنىڭ مىندەتتەرىن كوزدەيتىن تۇزەتۋلەر ەنگىزىلدى»، - دەدى ءماجىلىس دەپۋتاتى.

سونداي-اق، ونىڭ ايتۋىنشا، دەپۋتاتتار زاڭ جوباسىنىڭ جەكەلەگەن نورمالارىن ناقتىلايتىن جانە ونىڭ مازمۇنىن جاقسارتاتىن تۇزەتۋ قوسىپ وتىر. جۇمىس توبىنا 60 تۇزەتۋ كەلىپ تۇسكەن. ءماجىلىس دەپۋتاتتار زاڭ جوباسىن ماقۇلداپ، سەنات قاراۋىنا جىبەردى.

اۆتور: مارلان جيەمباي