الماتىداعى اۋرۋحانانىڭ باس دارىگەرى قىزمەتىنەن ءوز ەركىمەن كەتتى - قامالجان نادىروۆ
الماتى. قازاقپارات – ق ر دەنساۋلىق ساقتاۋ ۆيتسە- ءمينيسترى قامالجان نادىروۆ ورتالىق قالالىق كلينيكالىق اۋرۋحانا باسشىسىنىڭ جۇمىستان كەتۋىنە بايلانىستى تۇسىنىك بەردى، دەپ حابارلايدى قازاقپارات ءتىلشىسى.
«مەديتسينالىق ۇيىمنىڭ باسشىسى - قوعامدىق دەنساۋلىق ساقتاۋ باسقارماسىنىڭ قۇزىرىنداعى شتاتتىق بىرلىك. مەنىڭ بىلۋىمشە، باس دارىگەر ءوز ەركىمەن ءوتىنىش جازدى. ءبىز سىزدەرمەن قۇقىقتىق مەملەكەتتە ءومىر ءسۇرىپ جاتىرمىز. ەڭبەك كودەكسىن دە، مەملەكەتتىك قىزمەتكەرگە دەگەن قارىم- قاتىناستى دا بىلەمىز. سوندىقتان، ەگەر بىرەۋدە قانداي دا ءبىر سۇراق تۋىنداعان بولاتىن بولسا، ءبىز ولاردى قۇقىقتىق الاڭدا قاراستىرۋىمىز كەرەك»، - دەپ ءتۇسىندىردى ق. نادىروۆ.
ەسكە سالا كەتسەك، 14 - ساۋىردە الماتى قالاسى قوعامدىق دەنساۋلىق ساقتاۋ باسقارماسى باسشىسىنىڭ بۇيرىعىمەن الماتى قالالىق ورتالىق اۋرۋحاناسىنىڭ مەڭگەرۋشىسى الماس بولات ۇلى جۋۆاشيەۆ قىزمەتىنەن بوساتىلعان ەدى. مەديتسينالىق ۇيىم باسشىسىنىڭ مىندەتىن بۇگىنگى تاڭدا مارات ابدۋللايەۆ اتقارىپ جاتىر.
اۆتور: الما مۇقانوۆا
