قازاقستاندىقتار ءىرى ساۋدا نىساندارىنا ماسكامەن عانا كىرگىزىلەدى
نۇر- سۇلتان. قازاقپارات - ءىرى ساۋدا نىساندارىنا ازاماتتار ماسكامەن عانا كىرگىزىلەتىن بولدى. بۇل تۋرالى بۇگىن ورتالىق كوممۋنيكاتسيالار قىزمەتىندەگى بريفينگتە ق ر ساۋدا جانە ينتەگراتسيا ءمينيسترى باقىت سۇلتانوۆ ايتتى، دەپ حابارلايدى قازاقپارات ءتىلشىسى.
«ءىرى ساۋدا نىساندارى مىناداي تالاپتاردى ساقتاۋى ءتيىس: ءوز اۋماقتارىنا كەلۋشىلەردى تەك ماسكامەن عانا جىبەرۋلەرى ءتيىس. كەلۋشىلەردە ماسكا بولماسا تەگىن ماسكا ۇسىنىپ، كوروناۆيرۋستىڭ الدىن الۋ بويىنشا جادىناما تاراتۋلارى قاجەت. بارلىق كىرىپ- شىعاتىن ەسىكتەرگە تەپلوۆيزورلار ورناتۋلارى كەرەك»، - دەدى باقىت سۇلتانوۆ.
ونىڭ اتاپ وتۋىنشە، ءىرى ساۋدا نىساندارى، ونىڭ ىشىندە ازىق- تۇلىك بازارلارى ساعات 10-نان 18-گە دەيىن، ازىق- تۇلىك ەمەس تاۋارلار ساتاتىن بازارلار ساعات 11-دەن 17-گە دەيىن جۇمىس ىستەيدى.
اۆتور: مارلان جيەمباي
