پرەزيدەنت كەڭەسشىسى قازاقستاندا نە ءۇشىن توتەنشە جاعداي جاريالانعانىن ءتۇسىندىردى

ەرلان قارين Telegram-كانالىندا قازاقستاندىقتاردى سابىرعا شاقىردى.

«بۇل رەسۋرستاردى جۇمىلدىرۋ جانە مەملەكەتتىك ورگانداردىڭ تەز شەشىم قابىلداۋى ءۇشىن، ۆيرۋستىڭ كەڭ تارالۋىنا جول بەرمەۋ ءۇشىن قاجەت. توتەنشە جاعدايدى ەنگىزۋ ءتيىستى قۇقىق رەجيمىندە قاجەتتى شەشىمدەردى رەسىمدەۋگە مۇمكىندىك بەرەدى. مەملەكەت الدىن الا ارەكەت ەتىپ جاتىر»، - دەپ مالىمدەدى مەملەكەت باسشىسىنىڭ كەڭەسشىسى.

«نەگىزگى شارالار بۇرىنعىدان دا، ودان كەيىن كەزەڭ- كەزەڭمەن، جاعدايدىڭ دامۋىنا بايلانىستى قوسىمشا الدىن الۋ شارالارى قابىلداندى. توتەنشە جاعدايدىڭ ەنگىزىلۋىنە بايلانىستى، ارينە، جاڭا شەكتەۋ شارالارى بولادى، ءبىراق تۇتاستاي العاندا، حالىقتىڭ تىنىس- تىرشىلىگىن قامتاماسىز ەتەتىن نەگىزگى وبەكتىلەردىڭ جۇمىس ىستەۋى ساقتالادى. اتاپ ايتقاندا، س و و- دا دۇكەندەر مەن ءدارىحانالار جۇمىس ىستەيدى»، - دەدى ول.

«بارلىق وسى شەشىم ءبىرىنشى كەزەكتە حالىقتىڭ دەنساۋلىعىن ساقتاۋ مەن قاۋىپسىزدىكتى قامتاماسىز ەتۋ مۇددەسىندە قابىلدانادى. بۇل شارالار الدىن الۋ سيپاتىندا ەكەنىن تاعى دا اتاپ وتكىم كەلەدى»، - دەپ تۇيىندەدى ەرلان قارين.

قازىرگى ۋاقىتتا قازاقستاندا كوروناۆيرۋس جۇقتىرعان 9 ادام تىركەلگەن: 2-ەۋى نۇر-سۇلتاندا، 7-ەۋى الماتىدا.