ەلوردالىق دارىگەرلەر كارانتيندە جاتقانداردىڭ جاعدايى تۋرالى باياندادى

نۇر-سۇلتان قالاسىنىڭ كوپبەيىندى مەديتسينالىق ورتالىعىنىڭ ينفەكسيونيست دارىگەرى ساۋلە اتىعايەۆا جۇمىس كۇنى ساعات تاڭعى جەتى جارىمدا باستالىپ، ءتۇننىڭ ءبىر ۋاعىنا دەيىن جالعاساتىنىن ايتادى. البەتتە تۇنگى اۋىسىم دا بار. جۇمىس كۇن سايىن جوسپارلانادى. دارىگەرلەر پاتسيەنتتەردىڭ تەمپەراتۋراسى مەن جاعدايىن ۇنەمى تەكسەرىپ وتىرادى. دەنساۋلىق جاعدايى جاقسى ازاماتتار بوساتىلادى. ناۋقاستارعا بارار الدىندا دارىگەرلەر قاجەتتى قورعانىس كيىمدەرىن كيىپ، بارلىق قاۋىپسىزدىك شارالارىن قابىلدايدى.

بەينەجازبادا ءار بولىمدە قاجەتتى قۇرال- جابدىقتاردىڭ بارى كورىنىپ تۇر. اتاپ ايتقاندا، اۋانى زالالسىزداندىرۋعا ارنالعان رەتسيركۋلياتورلار، جەلدەتۋ جۇيەسى جۇمىس ىستەيدى.

«ءبىزدىڭ بارلىق پالاتا بىركىسىلىك. ينتەنسيۆتى تەراپيا بولىمىندە ناۋقاستار جوق. بۇگىن ءبىز ناۋقاستاردى قابىلداۋعا دايىنبىز. ەكى ورىندى بولمە، ناۋقاستىڭ جاعدايىن باقىلاۋعا مۇمكىندىك بەرەتىن توسەك جانىندا مونيتورلار، دەفيبريللياتور، وتتەگى جەتكىزگىش بار. ياعني، ەگەر وكپەسى قابىنعان ادام نەمەسە تىنىس الۋ جەتكىلىكسىزدىگى بار اۋىر ناۋقاس كەلسە، وندا ءبىزدىڭ رەانيماتولوگ وعان كومەك كورسەتە الادى»، - دەيدى ساۋلە اتىعايەۆا.

اۋرۋحانادا سونىمەن قاتار ەلەكتروكارديوگرامما بولمەسى، عيماراتتان شىققان كەزدە انتيسەپتيك بار.

دارىگەرلەردىڭ ايتۋى بويىنشا، پاتسيەنتتەردى تاماقتاندىرۋ جاعىنان ماسەلە جوق. مىسالى بۇگىنگى مازىردە پاتسيەنتتەرگە جاڭا پىسكەن كوكونىستەردەن جاسالعان سالاتتار، كۇرىش جانە كەسپە سورپاسى، پىسىرىلگەن بالىق قوسىلعان كارتوپ پيۋرەسى بەرىلگەن.

اۆتور: ايان بەكەن ۇلى