ناۋرىزدا لاتىن ارپىنە نەگىزدەلگەن قازاق ءالىپبيىنىڭ سوڭعى نۇسقاسى ماقۇلدانادى

«وزدەرىڭىزگە بەلگىلى، مەملەكەت باسشىسى قاسىم- جومارت توقايەۆ لاتىن الىپبيىنە نەگىزدەلگەن قازاق ءالىپبيىن جەتىلدىرۋ جونىندە تاپسىرما بەرگەن بولاتىن. وسى تاپسىرما بەرىلگەننەن بەرگى 3-4 ايدىڭ ىشىندە عالىمدار 4 وتىرىس وتكىزدى. سول وتىرىستاردا ءالىپبيدىڭ بىرنەشە نۇسقاسى قارالدى. جالپى، بۇگىنگە دەيىن 40-تان استام ءالىپبي جوباسى كەلىپ ءتۇستى. ونىڭ ىشىندە عالىمداردىڭ رەسمي تۇردە قاراعانى 30 جوبا بولدى. بارلىق جوبا نازاردان تىس قالعان جوق. بارلىعىن تالداپ، تالقىلادىق، قاجەتتى دۇنيەلەرى ەسكەرىلدى. اۆتورلارىنا جاۋاپ بەردىك»، - دەدى ول .

كوميتەت ءتوراعاسى ورىنباسارىنىڭ ايتۋىنشا ، اتالعان جوبالاردىڭ ىشىنەن تورتەۋى ىرىكتەپ الىنىپ، تالقىلاندى. 4 - اقپاندا رەسپۋبليكا بويىنشا وسى جوبالار جان- جاقتى تالقىعا ءتۇستى.

«عالىمداردىڭ پىكىرى توعىسقان ءبىر ماسەلە، بۇرىنعى كيريلليتسادا قانشا ءارىپ بولسا، سونشا دىبىس مۇندا دا بولۋى كەرەك دەگەن قاعيدا جارامايدى. تىلىمىزدە ەش قاجەتتىلىگى جوق كىرمە دىبىستار دا بولعانى ءمالىم. لاتىنعا كوشۋدىڭ ءبىر ءمانى دە سول - كەزىندە ەلىمىز باسىنان كەشكەن بوداندىق زاماندا ەركىمىزدەن تىس ەنگەن دىبىستاردان قۇتىلۋ، ءتىل تازالىعىنا قول جەتكىزۋ. بۇرىن 42 ءقارىپ بولسا، ەندى 31 نەمەسە 32 ءقارىپ بولۋى مۇمكىن. الايدا بۇل قارىپتەر قازاقتىڭ ءار دىبىسىنىڭ ءوز ءۇنىن، اۋەزىن، ايتۋ، وقۋ، جازۋ ەرەكشەلىگىن تولىق بەرە الادى»، - دەدى ادىلبەك قابا.

ونىڭ اتاپ وتۋىنشە، ءتىل ساياساتى كوميتەتىنىڭ ۇيىمداستىرۋىمەن بۇعان دەيىن دە 14- اقپاندا وڭىرلەردەگى ءتىل باسقارمالارىن تارتا وتىرىپ رەسپۋبليكالىق اشىق تالقىلاۋ وتكىزىلدى. تالقىلاۋعا ۇسىنىلعان جوبالارعا ايماقتارداعى فيلولوگ عالىمدار مەن ءتىل ماماندارى ءوز پىكىرلەرىن ايتىپ، ۇسىنىستارىن بەردى. وسى جانە وزگە دە تالقىلاۋ قورىتىندىلارى نەگىزىندە 20 - اقپاندا الماتىدا عالىمداردىڭ جۇمىس توبى ءوز وتىرىسىن وتكىزىپ، ۇسىنىلعان بىرنەشە جوبانىڭ ءارقايسىسىنىڭ ارتىقشىلىقتارىن الا وتىرىپ، ءبىر جوبا جاساپ، ماقۇلداندى.

«بۇل ماسەلە بويىنشا پرەزيدەنت اكىمشىلىگى باسشىسىنىڭ ءبىرىنشى ورىنباسارى ماۋلەن اشىمبايەۆ عالىمدارمەن كەزدەسىپ، تالقىلاۋ وتكىزدى. سول جەردە كەيبىر ارىپتەردى قايتا قاراپ شىعىپ، تولىقتىرۋعا تاپسىرما بەرىلدى. بۇل جوبانى پرەزيدەنت اكىمشىلىگىنىڭ العاشقى ىرىكتەۋىنەن ءوتتى دەۋگە بولادى. تەك ءبىردى- ەكىلى كىرمە دىبىستارعا قاتىستى ورتاق پىكىرگە كەلۋ قالدى. وسى ايدىڭ 13- كۇنى بۇكىل عالىمدار باس قوسقان ۇلكەن وتىرىس وتكىزىلەدى. سول وتىرىستا ناقتى جەتىلدىرىلگەن ءالىپبي ماقۇلدانىپ، ۇكىمەتتە ۇلتتىق كوميسسيانىڭ قاراۋىنا بەرىلەدى»، - دەدى ول.

اۆتور: مارلان جيەمباي