جەردەگى جاعاجايدىڭ جارتىسى جوعالۋى مۇمكىن

الداعى 30 جىلدىڭ وزىندە جاعاجايدىڭ شيرەك بولىگى سۋ استىندا قالۋى مۇمكىن. مۇنى Phys.org باسىلىمى حابارلادى. عالىمداردىڭ ايتۋىنشا، كليماتتىڭ جىلىنۋى، مۇزدىقتاردىڭ ەرۋىنەن وسى عاسىردىڭ سوڭىنا دەيىن تەڭىز دەڭگەيى 84 سانتيمەتردەي كوتەرىلۋى مۇمكىن. قازىر ءتۋريزمنىڭ ورتالىعى - قۇم جاعاجايلاردىڭ جارتىسى سۋ استىندا قالماق. ياعني، 132 مىڭ شاقىرىم جاعالاۋدى سۋ الىپ، تۋريزممەن اينالىسىپ وتىرعان مەملەكەتتەردىڭ ەكونوميكاسىنا ۇلكەن سوققى بولۋى مۇمكىن.

ەگەر كۇن قازىرگىدەي تەز جىلىناتىن بولسا، وندا الداعى 30 جىلدىڭ ىشىندە- اق جاعالاۋدىڭ كوپ بولىگىن سۋ شايىپ كەتپەك.

جاعالاۋدى سۋ العان سوڭ، تابيعي اپات، داۋىل مەن جەل دە كۇشەيمەك. ويتكەنى قۇرلىقتى قورشاپ تۇرعان جاعالاۋ سۋ استىندا قالعان سوڭ، داۋىلعا توتەپ بەرەر قورعان قالمايدى. مالىمەتتەرگە قاراعاندا، ەڭ كوپ زارداپ شەگەتىن ەل اۋستراليا بولماق. 60 جىلدىڭ ىشىندە 15 مىڭ شاقىرىم جاعاجايىن سۋ باسپاق. ودان كەيىن كانادا، چيلي مەن ا ق ش، ودان ءارى مەكسيكا، قىتاي، رەسەي، ارگەنتينا، ءۇندىستان مەن برازيليا تۇر. بۇل جالپى بولجام عانا. ءبارى انتاركتيدا مەن گرەنلاندياداعى قالقان مۇزدىقتىڭ قانشالىقتى تەز ەرۋىنە بايلانىستى. ول تەز ەرىسە، وندا جاعداي قازىرگىدەن دە مۇشكىل. الەمدە تەمپەراتۋرا جىل سايىن ونسىز دا 3 گرادۋسقا جىلىنۋدا. قازىردىڭ وزىندە پايدالى قازبالاردى جاعىپ، اۋانى لاستاۋدى توقتاتتى دەگەننىڭ وزىندە مۇزدىقتاردىڭ ەرۋىن تەجەۋ مۇمكىن ەمەس. ويتكەنى عالامدىق جىلىنۋ باستالىپ كەتتى.

Massaget.kz