يراننان كەلگەن جولاۋشىلار كارانتينگە جابىلادى

الماتى. قازاقپارات - الماتى حالىقارالىق اۋەجايى كوروناۆيرۋس جۇقپاسىنا بايلانىستى يراننان كەلگەن جولاۋشىلاردى دا كارانتينگە جاباتىن بولدى، دەپ حابارلايدى قازاقپارات ءتىلشىسى.

بۇل تۋرالى اۋەجايدىڭ الەۋمەتتىك جەلىدەگى پاراقشاسىندا جاريالاندى.

ق ر باس سانيتارلىق دارىگەرىنىڭ «قازاقستان رەسپۋبليكاسىندا كوروناۆيرۋس جۇقپاسىنىڭ پروفيلاكتيكالىق شارالارىن كۇشەيتۋ تۋرالى شارا قابىلداۋ» جونىندەگى قاۋلىسىنا سايكەس 1 -ناۋرىزدان باستاپ COVID-19 جۇقپاسىنان قاۋىپتى ەلدەردىڭ ساناتى قايتا جاسالدى.

«ءبىرىنشى ساناتتاعى جولاۋشىلار ەكى توقا ءبولىندى. ا توبىنا ق ح ر مەن يراننان كەلگەن جولاۋشىلار جاتقىزىلدى. بۇل ەلدەن كەلگەندەر 14 كۇنگە كارانتينگە جابىلادى. ب توبىنا گونكونگ، ماكاو، تايۆان، وڭتۇستىك كورەيا، يتاليا جانە جاپونيا ەلدەرى جاتقىزىلدى. بۇل ەلدەن كەلگەندەرگە ادام كوپ شوعىرلانعان جەرلەرگە بارۋعا تىيىم سالىنادى. 14 كۇن ىشىندە ۇيلەرىندە باستاپقى مەديتسينالىق كومەك كورسەتۋ قىزمەتىنىڭ باقىلاۋىندا بولادى. ەكىنشى ساناتقا سينگاپۋر، تايلاند، ازەربايجان ەلدەرى جاتقىزىلدى. بۇل ەلدەن كەلگەندەر تۇرعىلىقتى جەرى بويىنشا 14 كۇن مەديتسينا قىزمەتكەرلەرىنىڭ باقىلاۋىندا بولماق. ءۇشىنشى سانات - گەرمانيا، ا ق ش، ب ءا ا، ۇلى بريتانيا، فرانسيا، باحرەين، كۋۆەيت، يسپانيا، مالايزيا ەلىنەن كەلگەندەر دە تۇرعىلىقتى مەكەنجايى بويىنشا 24 كۇن مەديتسينا قىزمەتكەرلەرىنىڭ باقىلاۋىندا بولماق» ، - دەدى اۋەجايدىڭ باسپا ءسوز قىزمەتىنەن.

مۇنىڭ الدىندا قابىلدانعان قاۋلىدا 1 - ساناتتا تەك قىتايدان كەلگەن جولاۋشىلار عانا بولعان.