جامبىل وبلىسى اكىمىنىڭ ورىنباسارى تاعايىندالدى
بۇل تۋرالى قازاقپارات اكىمدىك سايتىنا سىلتەمە جاساپ حابارلايدى.
جىلقىبايەۆ ەرجان جۇمات ۇلى 1982 -جىلى تۋعان. ءبىلىمى - جوعارى. 2003 -جىلى م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىن ەكونوميست-مەنەدجەر ماماندىعى بويىنشا بىتىرگەن. 2006 -جىلى قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىن مەملەكەتتىك جانە جەرگىلىكتى باسقارۋ ماگيسترى ماماندىعى بويىنشا، 2011 -جىلى س. امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىن قۇقىقتانۋ ماماندىعى بويىنشا ءتامامداعان.
ەڭبەك جولىن 2003 -جىلى وڭتۇستىك قازاقستان وبلىستىق ەكونوميكا دەپارتامەنتىنىڭ باس مامانى بولىپ باستاعان.
ءار جىلدارى ق ر ەكونوميكا جانە بيۋدجەتتىك جوسپارلاۋ مينيسترلىگى مەملەكەتتىك اكتيۆتەر باسقارماسىنىڭ ساياسات دەپارتامەنتىنىڭ ءبولىم باستىعى، شىعىس قازاقستان وبلىسى اكىمىنىڭ اپپارات باسشىسىنىڭ ورىنباسارى، ش ق و سەمەي قالاسى اكىمىنىڭ ورىنباسارى، شىعىس قازاقستان وبلىسى اكىمىنىڭ اپپارات باسشىسى، ق ر پرەزيدەنتى اكىمشىلىگىنىڭ مەملەكەتتىك ينسپەكتورى (جامبىل وبلىسىنا جەتەكشىلىك ەتتى)، الماتى قالاسى مەدەۋ اۋدانىنىڭ اكىمى لاۋىزىمدارىندا بولعان.
2019 -جىلعى ناۋرىز ايىنان باستاپ قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءبىرىنشى ۆيتسە-ءمينيسترى قىزمەتىن اتقارىپ، بۇگىن لاۋازىمىنان بوساتىلعان ەدى.
