جاپونيادا كارانتيندە تۇرعان كەمەدەگى قازاقستاندىقتاردىڭ جاعدايى قالاي

نۇر- سۇلتان: قازاقپارات – ق ر ينفەكتسيالىق اۋرۋلاردىڭ جەتەكشى مامانى ديناگۇل باەشيەۆا Diamond Princess لاينەرىندەگى قازاقستاندىقتاردىڭ دەنساۋلىعى تۋرالى ايتىپ بەردى، دەپ حابارلايدى قازاقپارات ءتىلشىسى.

«لاينەردە ءبىزدىڭ 4 قازاقستاندىق بار. دەنساۋلىق ساقتاۋ مينيسترلىگى ولارمەن ۇنەمى حابارلاسىپ وتىر. جاعدايلارى ءبىرقالىپتى. جاقىندا تالداۋ جاسالادى. ءارى قاراي كەلىسسوز جۇرگىزىلەدى. كارانتين بولعاندىقتان، بارلىعى سىرتقى ىستەر مينيسترلىگى ارقىلى شەشىلەدى. كارانتين مەرزىمى جاقىندا اياقتالادى. ودان كەيىنگى شارالار كەلىسىلەدى»، - دەدى ديناگۇل باەشيەۆا ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

ايتا كەتەيىك، قازاقستاننىڭ دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ Diamond Princess لاينەرىندە قازاقستاننىڭ 4 ازاماتى بار ەكەنىن حابارلاعان ەدى.

جاپونيانىڭ يوكوگاما پورتىندا كوروناۆيرۋسقا بايلانىستى كارانتيندە تۇرعان Diamond Princess لاينەرىندە ۆيرۋستى جۇقتىرعاندار سانى تاعى دا ارتتى. وسىلايشا، كەمەدەگى جولاۋشىلار مەن ەكيپاج مۇشەلەرى اراسىندا 454 ادام كوروناۆيرۋس جۇقتىرعان، دەپ حابارلادى ria.ru.

سوڭعى دەرەكتەرگە سايكەس، قىتايدا كوروناۆيرۋستان كوز جۇمعاندار سانى 1770 ادامعا جەتتى .