بالا سالعان سۋرەتتىڭ سىرى

نۇر-سۇلتان. قازاقپارات - بالالار سوزبەن ايتىپ جەتكىزۋى قيىن بولعان دۇنيەلەرىن سۋرەتپەن ءبىلدىرۋى مۇمكىن.

ەندەشە بالالار سالعان سۋرەتتىڭ فورماسى مەن ورنالاسۋ رەتىنە قاراپ ولاردىڭ مىنەز- قۇلقى مەن ىشتەي مازالاپ جۇرگەن دۇنيەسىن انىقتاۋعا بولادى. سۋرەت قاعازدىڭ تۋرا ورتاسىنىڭ جوعارعا جاعىندا ورنالاسسا، بىرىنشىدەن - سۋرەت سالا الاتىندىعىنا ىشتەي سەنىمسىزدىك، ەكىنشىدەن - ويىنداعىسىنىڭ جۇزەگە اسۋىن قالاۋى (ىشتەي قاپالانۋ) ، ۇشىنشىدەن - بالا شەتتەتىلۋگە بەيىم. ال سۋرەت قاعازدىڭ تۋرا ورتاسىندا ورنالاسسا - قىڭىرلىق، بەت- جۇزىنە قاراماي تىكە ايتۋ. پسيحيكالىق تەپە- تەڭدىكتى ساقتاۋ ءۇشىن قامقورشىنىڭ باقىلاۋىنا ءزارۋ. سۋرەت قاعازدىڭ تۋرا ورتاسىنىڭ تومەنگى جاعىندا ورنالاسسا نەمەسە سۋرەت قاعازدىڭ قاق ورتاسىنا قاتىستى تومەن بولسا، بالانىڭ ءوزىن قاۋىپتى جانە ىڭعايسىز سەزىنۋمەن قاتار دەپرەسسيالىق كوڭىل- كۇيگە ءتۇسۋى بايقالادى. سونىمەن قاتار بالا وزىنە شەك قويىلعانداي ەركىن سەزىنبەيدى. سۋرەت قاعازدىڭ سول جاعىنداعى جوعارعى بۇرىشىنا ورنالاسسا، باسقا دا ءبىر قوبالجۋلاردان اۋلاق بولعىسى كەلەدى. وتكەن شاققا ساياحاتتاۋدى قالايدى نەمەسە قيالعا شومىپ كەتەدى. سۋرەت قاعازدىڭ وڭ جاعىنىڭ جارتىسىنا ورنالاسسا، اقىل- وي قابىلەتى ايماعىندا راحاتتانۋ سەزىمىن ىزدەيدى.

مۇنداي جاعدايدا بالانىڭ مىنەز- قۇلقىن باقىلاۋدا ۇستاپ، بولاشاعىنا كوڭىل بولگەن دۇرىس. سۋرەت قاعازدىڭ سول جاق شەتىنە شىعىپ كەتىپ ورنالاسسا، وتكەندى ەسكە تۇسىرە بەرگەندىكتەن، كەلەشەگىنە الاڭدايدى. ايقىن ەموتسيونالدى قوبالجۋلارىنا شەكتەن تىس ۋايىمدايدى. سۋرەت قاعازدىڭ وڭ جاق شەتىنە شىعىپ ورنالاسسا، بۇرىنعى وتكەننەن قۇتىلۋ ءۇشىن بولاشاققا قاراي ۇمتىلىس بايقالادى. جاسىرىن ەمەس اشىق قوبالجۋلارى ءۇشىن قورقىنىشى بار. ءوزىن قاتاڭ باقىلاۋدا قالعانىن ۇناتپايدى. سۋرەتتەگى كونتۋرلار وتە ءتىپ- تىك ورنالاسسا - قىڭىرلىق پەن بىربەتكەيلىك. سۋرەتتەگى ەسكيزدى كونتۋردى ۇنەمى قولدانسا - ۇساق- تۇيەككە ءمان بەرۋ، دالمە- ءدال بولعانعا ۇمتىلىسى اڭعارىلادى. كوزقاراسىن ايقىنداۋ قابىلەتى ناقتىلانا باستايدى. ەسىڭىزدە بولسىن، بالانىڭ سۋرەت سالا الۋى ونىڭ بولاشاقتا جاڭا يدەيالار مەن يننوۆاتسيالىق تەحنولوگياداعى جوبالاردى جاساۋىنا دا ىقپالىن تيگىزەدى.

Massaget.kz