قاسىم-جومارت توقايەۆ: وتانعا دەگەن ماحاببات - قۇر ۇران مەن بوس دەكلاراتسيا ەمەس
«ۆولونتەرلەر قوزعالىسى ازاماتتىق قوعامدى ودان ارى دامىتۋعا مۇمكىندىك بەرەدى. ۆولونتەرلىك دەگەنىمىز - ءبىر جەڭنەن قول، ءبىر جاعادان باس شىعارىپ ارەكەت ەتۋ. ەرىكتىلىك - حالقىمىزدىڭ شىنايى بولمىسى، سالت- ءداستۇرى. سوندىقتان، ءبارىمىز مىندەتتى تۇردە بۇل ءداستۇردى ساقتاپ قالۋىمىز كەرەك. بۇل باستاما - ۇلتتى ۇيىستىرىپ، مەملەكەتتى نىعايتۋ ءۇشىن قاجەت»، - دەدى مەملەكەت باسشىسى ەلورداداعى «Birgemiz» رەسپۋبليكالىق فرونت- كەڭسەسىنىڭ اشىلۋ سالتاناتىندا.
پرەزيدەنت وسى رەتتە ۇلى ابايدىڭ «قارەكەت قىل، پايداسى كوپكە ءتيسىن» دەگەن ۇلاعاتىن ەستەن شىعارماۋ كەرەكتىگىن ايتىپ ءوتتى.
«سوندىقتان ءبىز ۆولونتەرلىكتى كەڭىنەن دارىپتەۋىمىز كەرەك. بەرەكە-بىرلىگىمىزدى ارتتىراتىن شارالارعا تۇتاس ۇلت بولىپ، اتسالىسۋىمىز قاجەت. وسىندا وتىرعان ۆولونتەرلەردىڭ بارلىعى - سىزدەر ەلىمىزدىڭ پاتريوتىسىزدار. وتانعا دەگەن ماحاببات - قۇر ۇران مەن بوس دەكلاراتسيا ەمەس، بۇل - حالىق ءۇشىن اتقارىلاتىن كۇن سايىنعى ەڭبەگىمىز. بۇل - جاننىڭ جاي- كۇيى، اۋقىمدى ءبىلىم مەن ءوزىن ۇستاۋدىڭ ۇلگىلى مادەنيەتى. مەن سىزدەردى وسى ءۇشىن قاتتى قۇرمەتتەيمىن»، - دەدى ول.
ايتا كەتسەك، پرەزيدەنت قاسىم- جومارت توقايەۆ ەلوردادا ەكسپو كورمەسىنىڭ «Art Hub» پاۆيلونىندا ورنالاسقان ۆولونتەرلەردىڭ «Birgemiz» رەسپۋبليكالىق فرونت- كەڭسەسىنىڭ اشىلۋ سالتاناتىنا قاتىسۋدا. ۆولونتەر جىلى اياسىندا فرونت- كەڭسەنىڭ اشىلۋى بارىسىندا «QQQAZVOLUNTEER. KZ» ونلاين- پلاتفورماسىنىڭ قىزمەتى جانە ۆولونتەرلىكتىڭ «Bilim», «Qamqor», «Úmit», «Sabaqtastyq», «Taza Álem» جانە «Saulyq» اتتى 7 سالالىق باعىت بويىنشا الاڭدارى تانىستىرىلادى.
فرونت- كەڭسە بۇكىل قازاقستاننىڭ ۆولونتەرلەرى ءۇشىن كەڭەس بەرۋ، ادىستەمەلىك، وقىتۋ جانە اقپاراتتىق ورتالىققا اينالاتىن بولادى. سونداي-اق، ول ۆولونتەرلىك جوبالار مەن وقىتۋ باعدارلامالارىن ۇيلەستىرۋ، مونيتورينگ جاساۋ، ۆولونتەرلىكتى ىلگەرىلەتۋ بويىنشا ءبىرىڭعاي اقپاراتتىق ساياساتتى جۇرگىزەدى جانە ءبىرىڭعاي Call-ورتالىقتىڭ جۇمىسىن ۇيىمداستىرادى.
