ب ۇ ۇ سوعىسقا جۇمىلدىرىلعان بالالاردى قورعاۋ ءۇشىن ناۋقان باستادى

نۇر-سۇلتان. قازاقپارات – ب ۇ ۇ باس اسسامبلەياسى بالالاردى سولدات رەتىندە جالداۋ پروبلەماسىمەن كۇرەسۋ ءۇشىن بالالاردىڭ قارۋلى قاقتىعىستارعا قاتىسۋىنا بايلانىستى بالا قۇقىقتارى تۋرالى كونۆەنتسياعا قوسىمشا حاتتاما قابىلدادى.

قازاقپارات بۇل تۋرالى ب ۇ ۇ سايتىنا سىلتەمە جاساپ حابارلايدى.

قۇجات 2002 -جىلدىڭ 12-اقپانىندا كۇشىنە ەنگەن ەدى. بۇل كۇن حالىقارالىق سارباز- بالالاردى پايدالانۋعا قارسى كۇرەس كۇنى رەتىندە اتاپ وتىلەدى، سونداي-اق قىزىل قول كۇنى دەگەن اتاۋمەن تانىمال.

سوڭعى جىلدارى بالالارعا قاتىستى جاسالعان ورەسكەل زاڭ بۇزۋشىلىقتار سانى ارتىپ كەلەدى. بۇعان جاۋاپ رەتىندە بۇۇ باس حاتشىسىنىڭ بالالار مەن قارۋلى قاقتىعىستار ماسەلەلەرى جونىندەگى ارنايى وكىلى ۆيردجينيا گامبا قاقتىعىستارعا قاتىسقان بالالاردى قورعاۋ ءۇشىن اكت- ءتى ىسكە قوستى. بۇل - سوعىستان زارداپ شەككەن بالالاردى قورعاۋ بويىنشا ءىس- قيمىلداردى ارتتىرۋ جانە اقپاراتتار تاراتۋ جاھاندىق ناۋقانى.

الداعى ءۇش جىل ىشىندە ناۋقان قاقتىعىستار كەزىندە بالالارعا جاسالاتىن ورەسكەل زاڭ بۇزۋشىلىقتاردى توقتاتۋعا جانە بولدىرماۋعا باعىتتالعان ءىس- قيمىلداردى قولداۋ ماقساتىندا بىرىككەن ۇلتتار ۇيىمى، ازاماتتىق قوعام مەن حالىقارالىق قوعامداستىق اراسىنداعى ىنتىماقتاستىقتى نىعايتۋعا باعىتتالاتىن بولادى.

ب ۇ ۇ الەم ەلدەرىن ا ك ت-تى كەلەسىدەي جولدارمەن قولداۋ بىلدىرۋگە شاقىرادى:

- قاقتىعىستار بولىپ جاتقان ەلدەردەگى بالالاردىڭ ومىرىنەن حاباردار بولىڭىز جانە ول تۋرالى مالىمەتتەرمەن ءبولىسىڭىز؛

- جانجالداسۋشى تاراپتارعا بارلىق بالالار قورعالۋى تيىستىگىن ءبۇتىن الەم قولدايتىنىن ەسكە سالىڭىز؛

- ورەسكەل زاڭ بۇزۋشىلىقتاردان زارداپ شەككەن بالالارعا قىزمەت كورسەتەتىن ۇيىمداردى قولداڭىز؛

- الەم مادەنيەتىن ىلگەرىلەتۋ جانە بالالار ءۇشىن قاۋىپسىز قوعام قۇرۋعا كومەكتەسەتىن باستامالاردى قولداڭىز؛

- حالىقارالىق قوعامداستىقتى قولداۋ، بالالاردى قورعايتىن رەسۋرستارعا كوڭىل ءبولۋ.