ارالار جويىلۋى مۇمكىن

نۇر-سۇلتان. قازاقپارات - امەريكالىق عالىمدار سولتۇستىك امەريكا مەن ەۋروپادا ارالار پوپۋلياتسياسىنىڭ كۇرت ازايىپ كەلە جاتقانىنا الاڭداۋشىلىق ءبىلدىرىپ وتىر.

بۇل جايىندا Science اقپارات كوزى حابار تاراتتى.

ماماندار وسى باعىتتا ارنايى زەرتتەۋ جۇمىستارىن جۇرگىزىپ، اتالعان قۇرلىقتاعى ارالاردىڭ 66 ءتۇرىن زەردەلەگەن ەكەن. اتالمىش زەرتتەۋ ناتيجەسى كورسەتكەندەي، جاھاندىق جىلىنۋ سالدارىنان ورىن العان كليمات وزگەرىسىنەن اۋا تەمپەراتۋراسى كوتەرىلىپ، جاۋىن-شاشىن كوبەيگەندىكتەن ارالاردىڭ تىرشىلىك ەتۋ ورتاسى تارىلىپ بارادى.

ارالار سالقىن ءارى ىلعالدى جەردە تىرشىلىك ەتەدى. قۇرعاقشىلىقتان ارالار قولايلى جەرگە قونىس اۋدارىپ ۇلگەرمەي تۇتاس كولونياسىمەن قىرىلىپ جاتىر. ساراپشىلاردىڭ ەسەبىنشە، قونىس اۋدارىپ ۇلگەرمەگەندىكتەن ارالاردىڭ قىرىلۋى سەگىز ەسەگە ارتقان.

islam.kz