ءسىڭىر تارتىلعاندا قايتپەك كەرەك؟

نۇر-سۇلتان. قازاقپارات - ءسىڭىر تارتىلۋى جانە بۇلشىق ەت دىرىلىنە قارسى ۇيدە نە ىستەۋگە بولاتىنىن كوبىمىز بىلە بەرمەيمىز.

بارلىعى ومىرىندە بىرنەشە رەت بۇلشىق ەت دىرىلىنە تاپ بولعان. ءسىڭىر تارتىلۋى ادەتتە قول، اياق جانە ارقادا پايدا بولادى. ءسىڭىر تارتىلۋدىڭ كەيبىر سەبەپتەرى: قاتتى قينالۋ، جاراقاتتانۋ جانە ۇزاق ۋاقىت قيمىلداماي، ءبىر قالىپتا وتىرۋ. ۇيدە جاساۋعا بولاتىن كەيبىر ەمدىك تاسىلدەر:

جەڭىل ماسساج: ءسىڭىر تارتىلعان جەردى اقىرىن ۋقالاۋ.

ىستىق مونشا: ىستىق دۋشقا نەمەسە جىلى ۆانناعا ءتۇسۋ. ءسىڭىر تارتىلعان جەردى ىستىق سۋعا ءبىراز ۋاقىت ۇستاپ تۇرىلادى.

كەرۋ: بالدىرداعى ءسىڭىر تارتىلعاندا اياق ساۋساقتارى جوعارى قارايتىن كۇيدە اياق باسقا قاراي تارتىلادى جانە وسى قالىپتا 30 سەكۋند ۋاقىتتاي تۇرادى.

ىستىق- سۋىق ەمى: ءسىڭىر تارتىلعان جەر مۇزبەن 5 مينۋت ۋقالانادى. سول كەزدە قىزارسا، قان جاسۋشالارىنىڭ بۇلشىق ەتتەردى جىلىتقانىن بىلدىرەدى. ىستىق سۋدى ءبىر قاپشىققا قۇيىپ، سول قاپشىقپەن دە بۇلشىق ەتتى بوساتۋعا بولادى.

ازىق: ءسىڭىر تارتىلۋ ءجيى- ءجيى كەزدەسكەنى، دەنەنىڭ كەيبىر مينەرالدار (كالي، كالتسي) تۇرعىسىنان جەتكىلىكسىز ازىقتانعانىن بىلدىرەدى. كالتسي ءۇشىن مايسىز ءسۇت جانە ايران، ال كالي ءۇشىن كارتوپ، بانان سياقتى جەمىستەر جەلىنەدى.

جەتكىلىكسىز سۇيىقتىق: دەنەگە جەتكىلىكسىز مولشەردە سۋ كىرمەگەندىكتەن ءسىڭىر تارتىلۋىنا سەبەپ بولادى. سول سەبەپتى جۇيەلى تۇردە سۋ ىشىلەدى.

كومەكشى ازىقتار: بال، تۇندە بولاتىن اياقتاعى ءسىڭىر تارتىلۋلارىنىڭ الدىن الۋى مۇمكىن. المادان جاسالعان سىركە سۋى كالي ەلەمەنتىنە قانىق كەلەدى.