ج و و- نى وڭتايلاندىرۋ جونىندە مەملەكەتتىك كوميسسيا قۇرىلدى - راحمان الشانوۆ

نۇر- سۇلتان. قازاقپارات - ەلىمىزدەگى مۇناي، ءوندىرىس، مەتاللۋرگيا، قۇرىلىس، اۋىل شارۋاشىلىعى سالالاردا % 99 قازاقستانداعى جوعارۋ وقۋ ورنىندارىنىڭ تۇلەكتەرى جۇمىس ىستەپ جاتىر.

بۇل تۋرالى ق ر ج و و اسسوتسياتسيالار پرەزيدەنتى راحمان الشانوۆ ايتتى، دەپ حابارلايدى قازاقپارات ءتىلشىسى.

«دۇنيەجۇزىندە ءبىلىم سالاسىنداعى باسەكە دامۋدا. بۇل قازاقستانعا دا ىقپال ەتۋدە. قازاقستان سوڭعى جىلدارى ءبىلىم ساپاسى بويىنشا دۇنيەجۇزىندە 45 ەلدىڭ قاتارىندا. باسەكەلەستىكتە الدىعا شىعۋ ءۇشىن ءبىلىم ارقىلى دامۋ كەرەك. ەلىمىزدە سوڭعى جىلدارى ءبىلىم سالاسىنا كوپ كومەك كورسەتىلىپ، بولىنەتىن قارجى مولشەرى، گرانت سانى ءوسىپ جاتىر. وسىعان بايلانىستى وقۋ ورىندارىنىڭ دەربەستىلىگى ءوستى»، - دەيدى راحمان الشانوۆ ورتالىق كوممۋنيكاتسيالار قىزمەتىندە وتكەن بريفينگتە.

ول وسىعان قاراماستان ءبىلىم سالاسىندا ءتۇيىندى ماسەلەلەر بار ەكەنىن ايتتى.

«ەلىمىزدەگى مۇناي، ءوندىرىس، مەتاللۋرگيا، قۇرىلىس، اۋىل شارۋاشىلىعى، كولىك جاساۋ، حيميا ءوندىرىسى سياقتى ەڭ باستى سالالاردا % 99 قازاقستانداعى جوعارۋ وقۋ ورنىندارىنىڭ تۇلەكتەرى جۇمىس ىستەپ جاتىر. دەگەنمەن جۇمىسقا ورنالاسۋ جاعىنان كورسەتكىشتەرى تومەن، باسقا دا تالاپقا ساي ەمەس وقۋ ورىندارى بار. وسىنداي جاعدايلارعا بايلانىستى ۇكىمەت باسشىسىنىڭ ورىنباسارى بەردىبەك ساپاربايەۆتىڭ باسقارۋىمەن وڭتايلاندىرۋ جونىندە مەملەكەتتىك كوميسسيا قۇرىلدى. مەن دە وسى كوميسسي مۇشەسىمىن»، - دەيدى ول.

اۆتور زارينا قاھارمان