قوردايدا ۇستالعانداردىڭ سانى العاشقى ايتىلعاننان كوپ – ءى ءى م

نۇر- سۇلتان. قازاقپارات - ىشكى ىستەر ءمينيسترىنىڭ ورىنباسارى الەكسەي كالايچيدي قوردايداعى وقيعا كەزىندە ناقتى قانشا ادامنىڭ ۇستالعانىن ايتا المايتىنىن ءمالىم ەتتى، دەپ حابارلايدى قازاقپارات ءتىلشىسى.

«راسىندا دا، باسىندا 47 ادام ۇستالعان ەدى. وقيعا تۇندە تىركەلدى. بۇعان دەيىن ايتقانىمىزداي، ول جەردە «حايپ ۇستاپ قالۋدى» ويلاعان ادامدار دا بولعان. كەيبىرەۋلەر ءارتۇرلى پىكىرلەر تاراتقان. سول سەبەپتى ۇستالعانداردىڭ سانى العاشقىدا ايتىلعاننان دا كوپ. ءبارى تەكسەرىلىپ، جاۋاپ الىنىپ جاتىر. ولاردىڭ وسى وقيعاعا قانشالىقتى قاتىسى بارى انىقتالۋدا. ناقتى قانشا ادامنىڭ ۇستالعانىن قازىر ايتا المايمىن. ول جەردە جەدەل تەرگەۋ امالدارى جۇرگىزىلۋدە. مەنىڭشە، قانشا ادامنىڭ ۇستالعانى بۇگىن ناقتى ايتىلادى»، - دەدى الەكسەي كالايچيدي و ك ق- دا وتكەن باسپا ءسوز ءماسليحاتىنان كەيىن تىلشىلەرگە.

ونىڭ ايتۋىنشا، سەگىز ادام وقيعا ورنىندا، ال ەكەۋى مەديتسينالىق مەكەمەدە كوز جۇمعان.

«ءالى دە جانساقتاۋ بولىمىندە جاتقاندار بار. ۇيمەن بىرگە ازاماتتاردىڭ قۇجاتتارى دا ورتەنىپ كەتكەن. سول سەبەپتى ءبىز اۋدان ورتالىعىندا قۇجاتت قالپىنا كەلتىرەتىن كوشى- قون پۋنكتىن اشىپ قويدىق»، - دەدى ول.

ال قانشا ازاماتتىڭ قىرعىز شەكاراسىنا ءوتىپ كەتكەنىنەن الەكسەي كالايچيدي حابارسىز بولىپ شىقتى.

«ءبىز تەك وقيعانىڭ ىشىندە جۇمىس جۇرگىزىپ جاتىرمىز»، - دەدى ول.

اۆتور: ايان بەكەن ۇلى