قازاقستاننىڭ باس ءمۇفتيى سايلاندى
ق م د ب باسپا ءسوز قىزمەتىنىڭ مالىمەتىنشە، قۇرىلتايعا جينالعان 300 دەلەگات سەرىكباي قاجى ورازدىڭ ۇسىنعان كانديداتۋراسىنا ءبىراۋىزدان داۋىس بەرىپ، قولداۋ كورسەتىپ، ناۋرىزباي قاجى تاعان ۇلىن باس مۇفتيلىككە سايلادى.
«ناۋرىزباي قاجى تاعان ۇلى مەنىڭ ءبىرىنشى ورىنباسارىم رەتىندە كوپتەگەن يگى جوبالاردى جۇزەگە اسىردى. ءدىني سالادا تاجىريبەسى مول. ناۋرىزباي قاجى تاعان ۇلىنىڭ ءدىني باسقارما جۇمىسىن جانداندىرىپ، جاڭا باستامالارعا ۇيىتقى بولاتىنىنا سەنەمىن»، - دەپ اتاپ ءوتتى سەرىكباي قاجى وراز.
قۇرىلتايعا قاتىسقان ق ر اقپارات جانە قوعامدىق دامۋ ءمينيسترى داۋرەن ابايەۆ سەرىكباي قاجى ورازدىڭ 2017-2020 -جىلدارى اتقارعان جۇمىسىنا وڭ باعا بەرىپ، ق م د ب ءتوراعاسى، باس ءمۇفتي ناۋرىزباي قاجى تاعان ۇلىنىڭ جاڭا قىزمەتىنە ساتتىلىك تىلەدى. سونىمەن قاتار، ءدىني سالاداعى ورتاق شارالاردى بىرلەسە جۇزەگە اسىرۋعا نيەتتەستىك ءبىلدىردى.
ق م د ب ءتوراعاسى، باس ءمۇفتي ناۋرىزباي قاجى تاعان ۇلى جۋرناليستەرگە بەرگەن سۇحباتىندا: «قۇرىلتايعا ەلىمىزدىڭ ءار وبلىسىنان كەلگەن 300 دەلەگات مەنىڭ كانديداتۋراما داۋىس بەرىپ، سەنىم ءبىلدىرىپ، باس ءمۇفتي لاۋازىمىنا سايلادى. بۇل سەنىمدى ابىرويمەن اقتاۋعا بار كۇش-جىگەرىمدى جۇمسايمىن. جوسپارلاپ وتىرعان ءبىرقاتار جۇمىستارىمىز بار. وزدەرىڭىز بىلەسىزدەر، 2020 -جىلدىڭ 12 -قاڭتارىندا قازاقستان مۇسىلماندارى ءدىني باسقارماسىنىڭ قۇرىلعانىنا 30 جىل تولدى. وسى مەرەيتوي اياسىندا 30 مەشىتكە ەل يگىلىگى جولىندا قىزمەت ەتكەن تۇلعالاردىڭ، سونىڭ ىشىندە ءال-فارابي مەن ابايدىڭ ەسىمىن بەرۋدى، 30 ەلدى مەكەننىڭ اۋىز سۋ، جول-كوپىر ماسەلەسىنە وڭ ىقپال ەتۋدى، 30 وتباسىعا قايىرىمدىلىق جاساۋدى، 30 ستۋدەنتكە گرانت تاعايىنداۋدى، 30 مەشىتكە كۇردەلى جوندەۋ جۇرگىزۋدى، ت. ب. يگى ءىس-شارالاردى جۇزەگە اسىرۋدى جوسپارلاپ قويدىق. بارشا جاماعاتتى ساۋاپتى ءىستى بىرلەسە اتقارۋعا شاقىرامىن»، - دەپ اتاپ ءوتتى.
ايتا كەتسەك، ناۋرىزباي قاجى تاعان ۇلى وسىعان دەيىن ق م د ب ءتوراعاسىنىڭ ءبىرىنشى ورىنباسارى، «ازىرەت سۇلتان» مەشىتىنىڭ باس يمامى قىزمەتىن اتقاردى.
وتپەنوۆ ناۋرىزباي تاعان ۇلى 1977 -جىلدىڭ 13-ناۋرىزىندا دۇنيەگە كەلگەن.
تاشكەنتتەگى «يمام ءال- بۇحاري» اتىنداعى يسلام ينستيتۋتىن، ق م د ب جانىنداعى يسلام ينستيتۋتىن اباي اتىنداعى الماتى مەملەكەتتىك ۋنيۆەرسيتەتىنىڭ ماگيستراتۋراسىن، «نۇر-مۇباراك» مىسىر يسلام مادەنيەتى ۋنيۆەرسيتەتىنىڭ PhD دوكتورانتۋراسىن بىتىرگەن. مىسىر اراب رەسپۋبليكاسىندا قىسقا مەرزىمدە ءدىني ءبىلىمىن جەتىلدىرگەن. رەسپۋبليكامىزدىڭ ءتۇرلى مەشىتتەرىندە يمامدىق قىزمەت اتقارعان. ق م د ب- نىڭ قاراعاندى وڭىرىندەگى وكىلى، قاراعاندى قالالىق №1-ورتالىق مەشىتىنىڭ باس يمامى، ق ر ءدىن ىستەرى اگەنتتىگى ءدىني بىرلەستىكتەرمەن بايلانىستار جونىندەگى باسقارماسىنىڭ باس ساراپشىسى، ق م د ب ءتوراعاسىنىڭ ءبىرىنشى ورىنباسارى، نايب ءمۇفتي، ق م د ب- نىڭ استانا قالاسى بويىنشا وكىلى، «نۇر استانا» ورتالىق مەشىتىنىڭ باس يمامى، ق م د ب ءتوراعاسىنىڭ ءبىرىنشى ورىنباسارى، نايب ءمۇفتي، ق م د ب- نىڭ تۇركىستان قالاسىنداعى كەڭسە باسشىسى، تۇركىستان وبلىسى بويىنشا وكىل يمام بولعان. 2018 -جىلدىڭ قازان ايىنان باستاپ ق م د ب ءتوراعاسىنىڭ ءبىرىنشى ورىنباسارى، نايب ءمۇفتي، ق م د ب- نىڭ نۇر-سۇلتان قالاسى بويىنشا وكىلى، «ازىرەت سۇلتان» مەشىتىنىڭ باس يمامى قىزمەتىنە اتقارعان.
اۆتور: مارلان جيەمباي
