سينوپتيكتەر نۇر-سۇلتان مەن وزگە بىرنەشە وڭىردە ەسكەرتۋ جاريالادى

نۇر-سۇلتان. قازاقپارات - «قازگيدرومەت» ر م ك اۋا رايىنىڭ قولايسىزدىعىنا بايلانىستى بىرنەشە وڭىردە ەسكەرتۋ جاريالادى، دەپ حابارلايدى قازاقپارات.

اتاپ ايتقاندا، 7-9- قاڭتاردا نۇر-سۇلتان قالاسىندا جاۋىن-شاشىن (جاڭبىر، قار)، كوكتايعاق، تۇمان كۇتىلەدى. 7- جانە 9- اقپاندا جاياۋ بۇرقاسىن بولجانادى. 7-8- اقپاندا وڭتۇستىك-باتىستان سوعاتىن جەل سولتۇستىك-باتىسقا اۋىسىپ، كۇشى 15-20 م/س ارتادى. 8- اقپاندا جەلدىڭ ەكپىنى 23 م/س كۇشەيەدى.

7- اقپاندا باتىس قازاقستان وبلىسىنىڭ كەي جەرلەرىندە جاۋىن-شاشىن، تۇمان، كوكتايعاق كۇتىلەدى. ورال قالاسىندا سونداي-اق تۇمان، كوكتايعاق بولجانادى.

8- اقپاندا قوستاناي جانە سولتۇستىك قازاقستان وبلىستارىندا جاۋىن-شاشىن (جاڭبىر، قار)، كوكتايعاق، بۇرقاسىن بولادى. وڭتۇستىك-باتىستان سوعاتىن جەل سولتۇستىك-باتىسقا اۋىسىپ، ەكپىنى 23-28 م/س جەتۋى ىقتيمال.

اقتوبە وبلىسىندا جاۋىن-شاشىن (جاڭبىر، قار)، كوكتايعاق، بۇرقاسىن كۇتىلەدى. وڭتۇستىك-باتىستان سوعاتىن جەل سولتۇستىك-باتىسقا اۋىسادى، كۇشى 15-20 م/س قۇرايدى.

8-9- اقپان كۇندەرى اتالعان وڭىرلەردە تۇندە اۋا تەمپەراتۋراسى -10-20- گرادۋسقا كۇرت تومەندەيدى.

7-9- اقپان ارالىعىندا اقمولا وبلىسىنىڭ كەي جەرلەرىندە جاۋىن- شاشىن (جاڭبىر، قار)، تۇمان، كوكتايعاق، بۇرقاسىن بولجانادى. وڭتۇستىك-باتىستان سوعاتىن جەلدىڭ كۇشى 15-20 م/س، ەكپىنى 23 م/س بولادى. 8- اقپاندا جەلدىڭ جىلدامدىعى 23-28 م/س ارتۋى مۇمكىن.

ەسكە سالايىق، كەشە سينوپتيكتەر 11 وڭىردە اۋا رايى بۇزىلاتىنىن حابارلاعان بولاتىن.